Kryetarja e KQZ-së, Lefterie Lleshi, nga Berati shprehet se institucioni që ajo drejton ka kërkuar miratim në Parlament për përfaqësimin e 30% të grave në listat e kandidatëve për deputet të çdo force politike në zgjedhjet e ardhshme. Rekomandimet janë paraqitur për miratim pranë Parlamentit dhe nëse do të miratohen do të kemi një Kod të ri Zgjedhor, në të cilin do të parashikohet qartë se, nëse partitë politike nuk do të kenë në listat e tyre minimumin 30% të përfaqësimit të grave, atëherë ato nuk do të ndëshkohen më gjobë siç ka ndodhur deri tani, por automatikisht do t’u refuzohet nga KQZ-ja lista e kandidatëve.