Berat, mali i Tomorit drejt
degradimit, shfrytëzohet nga privatët

BERAT- Mali i Tomorit, që shtrihet në lindje të qytetit të Beratit, është degraduar plotësisht. Punonjës të firmave private kanë shkatërruar faqet anësore të malit, për ta shfrytëzuar atë për pllakëzat e gurëve qe dalin nga brendësia e tij.
 
Punonjësit kanë hyrë vend e pa vend duke degraduar malin e Tomorit e duke i lënë të hapura zonat e gërmuara.
 
Ndonëse mali i Tomorit është zonë e mbrojtur turistike, nga ana e instancave shtetërore nuk është marrë asnjë masë, madje privatët kanë shfrytëzuar edhe kohën kur institucioni i Prefektit aktualisht është pa drejtues.

Kjo pasi kreu i Prefekturës së Beratit, Bujar Hoxhaj, dha dorëheqjen pas ndërrimit të pushteteve. 
 
Megjithatë, deri tani nuk është marrë asnjë masë për mbrojtjen e malit, apo edhe për ndalimin e privatëve që po shfrytëzojnë faqet anësore të tij.

(Foto: Degradimi i malit të Tomorit)

Redaksia Online
(e.s/shqiptarja.com)