BERAT - Deputeti i Partisë Demokratike në Berat, Genc Pollo i ka kërkuar opozitës të plotësojë 3 vendet vakante në KQZ në mbarëvajtje të procesit zgjedhor. Gjatë një takimi me strukturat e PD-së në Berat, Pollo deklaroi se Komisioni Qendror i Zgjedhjeve do të funksionojë, edhe nëse PS nuk plotëson vendet bosh.

“PD i ka të sigurtë tre deputetë në Berat, ne po luftojmë për deputetin e 4-t. PD do formojë qeverinë pas 23 qershorit. I them Partisë Socialiste që Edi Rama edhe nëse nuk i dërgon anëtarët e PS-së, KQZ do funksionojë. Duhet te plotësohen vendet vakante të opozitës, dhe PS t’i kandidojë sepse u përket atyre, kjo ka të bëjë me përgjegjësinë e opozitës, duam të bëjmë fushatë korrekte” - tha Pollo në fjalën e mbajtur në Berat.

(ad.ti/sg/shqiptarja.com)