Berat, pronari denoncon largimin
e 12 punëtorëve nga Bangladeshi

BERAT- Një pronari firme fasonerie në Berat i janë larguar në drejtim të paditur 12 punëtorë nga Bangladeshi, të cilët kishin mbërritur në këtë qytet disa ditë më parë. 

Punëtorët e larguar janë të moshës nga 22 deri në 48 vjeç, të gjithë nga shteti i largët aziatik.  

Denoncimin në polici e ka bërë vetë pronari, L.O, 54-vjeç, banues në Berat, i cili zotëron një firmë fasone. Mësohet se ai ka pasur kontratë me një kompani për sjelljen e punëtorëve nga Bangladeshi.

Ndërsa një ditë më parë, 54-vjeçari ka konstatuar zhdukjen nga vendi i punës dhe i banesës të shtetasve M.I, M.R, M.I, M.R, M.R, M.S, S.I, S.A, M.H, R.A, T.A dhe T.I, vjeç 24, 22, 23, 24, 31, 19, 36, 33, 32, 22, 28 e 48, me banim në Bangladesh.

Policia ka nisur punën për të sqaruar rrethanat e largimit të punëtorëve, ndërsa pista ku po hetohet është ajo e largimit të tyre përtej kufijve shqiptarë, drejt vendeve të BE. 

Redaksia Online
l.q/Shqiptarja.com