POP 5

Lajmet më të lexuara të 5 minutave të fundit

Politikë

Berisha angazhon lobistin Charles Black për të hetuar shpalljen e tij non-grata në SHBA! Po pse e bën falas?

Rreth një javë më parë më 21 Prill të këtij viti kompania e lobimit “PRIME Policy Group” deklaroi në SHBA se kishte pajtuar një klient të ri, Sali Berishën.

Berisha angazhon lobistin Charles Black për të hetuar shpalljen e tij non-grata në SHBA! Po pse e bën falas?

Sali Berisha dhe Charles Black

TIRANË- Rreth një javë më parë më 21 Prill të këtij viti kompania e lobimit “PRIME Policy Group” deklaroi në SHBA se kishte pajtuar një klient të ri, Sali Berishën. Lajmi u bë publik në orët e para të mengjësit në Tiranë pas një publikimi të Politico.

Kontrata e Berishës me kompaninë “PRIME Policy Group” është publikuar dhe zyrtarisht, gjëja e parë që të bie në sy është fakti se kjo kontratë është “pro-bono”, çka do të thotë se kompania amerikane “PRIME Policy Group” (PPG), do ndihmojë Berishën mbi baza krejtësisht vullnetare pa përfshirë asnjë pagesë apo detyrim direkt ose indirekt.

Drejtuesi i kompanisë lobiste amerikane PPG është Charles R. Black Jr., ai rezulton se ka punuar këshilltar në fushata elektorale për disa ish-presidentë amerikanë, duke nisur me Reganin, Bushët, kandidatin McCain etj.

Këto të dhëna sugjerojnë se lobisti i zgjedhur nga Berisha ka takate në linjën e vjetër republikanëve duke nisur që me Reganin. Charlie R. Black Jr. ka patur më herët dhe një kompani lobimi në ortakëri me Paul Manafort, ish bashkëpunëtor i Donald Trump, hetimi i të cilit bëri bujë në SHBA në kuadër të dyshimeve për influencë ruse.

“Kongresi amerikan merr rregullisht raporte nga Departamenti i Shtetit për motivet mbi të cilat një zyrtar i huaj shpallet non-grata, por në rastin e Berishës motivet janë të panjohura”, – ka deklaruar Black Jr. në një deklaratë ku i bën thirrje ligjëvënësve amerikanë të zbardhin motivet e shpalljes non-grata të Berishës.

Më tej ai shton në deklaratë se: “Diku mund të gjendet ndonjë dosje apo informacion i klasifikuar mbi Berishën që hedh poshtë këtë që unë po them, unë nuk e di çfarë ka konkretisht, ndaj dhe po bëj përpjekje për të angazhuar njerëz të përgjegjshëm që të hedhin dritë mbi këtë dosje.”

Më tej në deklaratën e tij mbi këtë angazhim Lobisti Charlie R. Black Jr. thotë se ai e ka njohur Berishën për shkak se kompania e tij ka punuar me qeverinë shqiptare kur Berisha drejtonte vendin.

Lobisti theksoi se Berisha ka luajtur rol në rreshtimin e Shqipërisë në aleancën e NATO-s dhe përpjekjet për futjen e Shqipërisë në BE, duke shtuar se “zërat se Berisha është nën ndikimin e Kremlinit më duken pa lidhje me çfarë unë kam kuptuar kur e kam njohur atë njeri (Berishën) dikur”.

Baza e angazhimit të lobistit amerikan do të jetë dhe verifikimi nëse ka patur ndonjë lidhje mes aktivitetit të ish-drejtorit të FBI-së Charles McGonigal dhe shpalljes non-grata të Berishës, ndonëse nga dosjet penale e prokurorëve amerikanë në Washington dhe New York, McGonigal rezulton se ka luajtur rol në hetimin e një kontrate lobimi të Lulzim Bashës, dhe të paktën në dosjet penale në fjalë Berisha nuk rezulton askund

Mirëpo, pyetja që lind është, pse Charles Black po e bën falas?/ Hashtag.al

 

(Kliko këtu për të lexuar dokumentin e plotë) Kontrata e lobimit

Rendit zhvillimet sipas orarit:
Ora 10:47
Berisha i zgjedh shokët si vetja/ Kontrakton lobistin e tiranëve më mizorë të botës (VIDEO)

Ndonëse pati deklaruar se do të priste vendimin e gjyqit në Francë kundër Sekretarit Amerikan të Shtetit, Antony Blinken, Sali Berisha ka kontraktuar së fundmi lobistin Charlie Black për të hetuar shpalljen e tij “nongrata”.

Ajo që bie në sy është pikërisht zgjedhja e Berishës, duke ia besuar lobimin një personazhi të njohur për shërbimet e tij ndaj tiranëve më mizorë të botës.

Në vitin 1980 Charlie Black bashkëthemeloi firmën lobuese me bazë në Uashington (BMSK).

Kështu, gjatë administratës së Reganit, presidenti i atëhershëm i Filipineve, Ferdinand Marcos ishte një nga klientët e Black. Marcos u përpoq të vidhte zgjedhjet dhe u desh ndërhyrja e Regan që kompania e Black të hiqte dorë urgjentisht nga shërbimet për këtë tiran mizor.

Marcos hyri në histori si gjakatari që ekzekutoi qindra mijëra bashkëqytetarë të tij.

Mobuto Sese Seko në Republikën e Zaires (ish shtet Kongolez) ishte gjithashtu klienti i tij.
Teksa Departamenti i Shtetit po inkurajonte Mobuto që të mbante zgjedhje parlamentare të lira, ai hodhi poshtë rezultatet e zgjedhjeve dhe u bë diktator famëkeq.

Mobuto vari publikisht në litar kundërshtarët e tij politikë.

Lëvizja MoveOn.org e akuzoi drejtpërdrejt lobistin Charlie Black se ai “bëri miliona duke lobuar për tiranët më të këqij në botë”./ Lexo.al

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58