Ish-kryeministri Sali Berisha ka folur për mediat greke ku ka fajësuar kreun e qeverisë Edi Rama për çështjen Beleri. Berisha pretendon se aktakuza kundër kryetarit të zgjedhur të Himarës Fredi Beleri që aktualisht ndodhet në burg ka ardhur si pasojë e një provokimi të një oficeri të lartë policie. Sali Berisha i thotë TV grek se në Shqipëri ekziston një fond sekret për misione specials i arrestimi i Belerit.

“Kuptova se ishte provokim i një oficeri të vjetër policie kundër tij. Më vonë gjeta të dhëna të qarta se oficerët e lartë të policisë dhe një informator ishin të përfshirë. Ekziston një fond sekret për ata që kryejnë “misione speciale”. Ky provokator mori para nga ky fond në kundërshtim me ligjin, një tarifë prej 7 mijë eurosh”, është shprehur Berisha.

Ish-kryeministri nënvizon më tej se ka prova se shuma e dhënë dëshmitarit kryesor kundër Fredi Beleri u disbursua nga fondet sekrete të policisë shqiptare.

“Më dhanë (informacion) shumë konfidencial, por pasi fondet u përdorën në mënyrë të paligjshme dhe në një mënyrë të papranueshme për të njoftuar ky është një veprim krejt i paligjshëm”, ka shpjeguar Berisha.

Berisha thotë ndër të tjera se videoja kundër Belerit është e pavlefshme pasi dëshmitari kryesor është paguar.

“Kërkoi nga provokatori të organizojë planin. Unë nuk mund ta duroja këtë praktikë. Informacioni i saktë në lidhje me tarifën e tij më erdhi vetëm dy ditë para se ta zbuloja”, ka shtuar Berisha gjatë intervistës dhënë në Sky-in grek.

Ai e ka konsideruar Belerin si të burgosuri politik, dhe e lidh ndjekjen penale ndaj tij me përpjekjen e kryeministrit Edi Rama për të kontrolluar investimet në Himarë.

Rendit zhvillimet sipas orarit:
Ora 18:24
Erion Braçe: Intervista e Sali Berishës për median greke, vjen erë të tmerrshme

 

Deputeti socialist Erion Braçe, ka komentuar intervistën e Sali Berishës për median greke, në lidhje me rastin e Fredi Belerit. Braçe shprehet se intervista e Berishës për median greke dhe deklaratat për të mbrojtur Fredi Belerin, ‘vijnë erë të tmerrshme’, ndërsa u ndal te masakra e Peshkëpisë.

“Vjen erë, erë të tmerrshme, intervista e Sali Berishës për median greke. Ushtarakët shqiptarë të vrarë në Peshkëpi nga një komando terrorist grek, po rrotullohen në varr. Nuk ka asnje scoop ne intervisten e tij; Sali Berisha u ka shitur grekeve jo “sekrete”, “informacione konfidenciale” marre nga burime te tija, zerooooooo; Jane ne dosjen ligjore, depozituar ne gjykate-publike tashme, gjithcka u ka shitur grekeve qe po shkulin floket nga scoop-i.

1-Veprimi i stimuluar është një praktikë, procedurë e përdorur gjerësisht në Greqi e kudo nëpër botë ; asnje habi! Pyesni ne Greqi sa here e perdorin ne vit! Kjo ka ndodhur edhe ketu, me miratimin e nën mbikqyrje të prokurorit, pranuar nga gjykata; Pra nuk eshte nje veprim i njeanshem i policise kudo, por ka miratim prokurori e gjykatesi; ndodh keshtu per trafikun e droges, armeve, minave, trafikun e njerezve, pedofiline, edhe per blerjen e votave!!

2- Mjafton te lexosh vetedeklarimin e Alfred Belerit per efekt te demkriminalizimit, per ta qepur gojen; Aty ai rezulton i dënuar, jo nga Shqiperia, nga Greqia, per nje veper penale qe nga pershkrimi te habit, por që në fakt është arrestimi i tij në makinë me kreun e komandos terroriste greke që kreu masakrën e Peshkëpisë, me armët e vjedhura në Peshkëpi, të përdorura gjithashtu! Sali Berisha ishte president e komandant i forcave te armatosura kur ushtaraket shqiptare u masakruan ne Peshkepi, por policia e agjencite e tjera nen komanden e tij nuk ben asgje-zero, per te hetuar e cuar para drejtesise terroristet; madje nuk ka asnje veprim-zero letër porosi edhe ne rastin e arrestimit te Belerit ne makinen me armet e Peshkëpisë!

3- Ku jane provat e gjetura ne vendngjarjen e Peshkëpisë? Ku? Si ka mundesi qe dosja ka vec kapak e asnje dokument brenda? Çu bene provat?! Është shumë pis e gjitha! Vjen erë të tmerrshme”, shkruan ai.

 

B.K/Shqiptarja.com