POP 5

Lajmet më të lexuara të 5 minutave të fundit

Politikë

Berisha braktis çadrën, i
faturon dështimin Bashës

Ish-kryeministri Sali Berisha, së bashku me rrethin e tij familjar dhe mediatik, po distancohet gradualisht nga çadra para Kryeministrisë, duke ia faturuar kësisoj Lulzim Bashës dështimin e protestës, e cila tashmë ka përfunduar thjeshtë në një problem trafiku për policinë rrugore.
Berisha braktis çadrën, i<br />faturon dështimin Bashës
Ish-kryeministri Sali Berisha, së bashku me rrethin e tij familjar dhe mediatik, po distancohet gradualisht nga çadra para Kryeministrisë, duke ia faturuar kësisoj Lulzim Bashës dështimin e protestës, e cila tashmë ka përfunduar thjeshtë në një problem trafiku për policinë rrugore. Ithtari i revolucionit dhe njeriu që duhet t’i jepte tonin që i mungon kësaj proteste, befas nuk shfaqet më në çadër.

Pas indiferentizmit befasues të faktorit ndërkombëtar, braktisjes nga Ilir Meta, rënies së vëmendjes mediatike dhe qytetare, elemente këto përcaktuese për dështimin e protestës, Sali Berisha ka rralluar deri në ndërprerje prezencën në çadrën e PD, me sa duket për t’u mos u bërë protagonist i një mbylljeje të turpshme të protestës.

Nëse 19 ditë më parë, Berisha ulej këmbëkryq poshtë zyrës së Ramës dhe e shpallte çadrën e PD si shtatmadhori të revolucionit, misionare dhe pushtet të qytetarëve, tashmë, prej disa ditësh, ish-kryeministri nuk artikulon qoftë edhe një fjalë për çadrën, në të cilën ushton vetëm monologu i Lulzim Bashës.

Gjithashtu, nëse ditët e para, kur ndërkombëtarët nuk ishin shprehur ende qartë kundër bojkotit, Berisha shfaqej pothuajse çdo ditë në çadër, pas datës 23 Shkurt, ish-kryeministri nisi të shfaqej rrallë e më rrallë, mungesë e cila është vënë re edhe nga militantët e dekurajuar. Herën e fundit që Sali Berisha u kthyer në çadër ishte dita e enjte, ku opozita improvizoi një seancë plenare paralele.

Që nga mesi i javës së kaluar, Berisha nuk është dukur më. Po ashtu, që nga dita e enjte, Berisha ka postuar në rrjetin social Facebook vetëm një foto nga çadra e protestës, ndërsa prej disa ditësh nuk mban më asnjë qëndrim rreth protestës me turne. Ish-kryeministri vijon akuzat e zakonshme në Facebook, thua që protesta po organizohet nga një parti kundërshtare me Partinë Demokratike.

Krahas distancimit të Berishës, ditë e fundit, vihet re një qëndrim shpërfillës ndaj çadrës së protestës edhe nga mediat që kontrollohen dhe financohen nga Shkëlzen Berisha, djali i ish-kryeministrit. Zhvillimet në çadrën e PD po zënë hapësirë çdo ditë e më pak në portalin e Shkëlzenit. Ndërkaq, që nga dita e parë e ngujimi, ku shoqërohej nga ish-drejtor i Përgjithshëm i Tatimeve Gazmir Spahia, Shkëlzen Berisha nuk është ka shkuar më tek çadra. Në sy ka rënë edhe mungesa e prezencës së dhëndrit të Berishës, Jamarbër Malltezi, i cili mban edhe postin e kreut të Departamentit të Mjedisit në PD.

Ish-kryeministrit Sali Berisha është pozicionuar kundër artikulimeve të Lulzim Bashës për bojkotin e zgjedhjeve të 18 Qershorit, si një vendim i rrezikshëm, por që mund ta shpëtonte nga një humbje tjetër.  “Sipas meje opozita me çdo kusht duhet të hyjë në zgjedhje, duhet të garantojë votën e lirë. Vullnetit të qytetarëve, të misionarëve, nuk i reziston dot njeri. Qytetarët në aksion janë absolutisht të pathyeshëm”, ka deklaruar Berisha.

Redaksia Online
Al.N/shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gili dhe Redoni tërhiqen nga gara, Egli në lot, ja si reaguan banorët e tjerë

Gili dhe Redoni tërhiqen nga gara, Egli në lot, ja si reaguan banorët e tjerë

26 Dhjetor, 14:58