Berisha: E kam dokumentin, Yuri Kim e kishte me shkrim shkatërrimin e PD-së

 

Sali Berisha thotë se ka në duar dokumentin që i është dorëzuar ambasadores amerikane Yuri Kim që Partia demokratike duhet të shkatërrohet. Berisha thotë se e disponon këtë dokument, por nuk e publikoi atë.

“Pas këtij vendimi ka patur në forume diskutime të frytshme, të hapura. Në kryesinë e PD-së, grupin parlamentar, sot me të gjithë kandidatët dhe natyrisht është Këshilli Kombëtar ai që do të marrë vendimet përfundimtare.

LEXO EDHE:
Berisha shkeli sërish arrestin, avokat Beqiri: Eurodeputeti Brook mori 300 mijë euro që të mbante fjalim te ballkoni i ish-kryeministrit

Por në të gjitha këto diskutime mund të ju informoj se ka mbizotëruar me përgjegjësi të plotë tërësisht vendosmëria për të marrë pjesë në zgjedhje dhe për të fituar zgjedhjet. Mos harroni, qëllimi i Edi Ramës, por ç’është e vërteta e kam këtu dokumentin me shkrim, edhe i guvernatores Kim ka qenë shkatërrimi i PD-së, në mënyrë tekstuale po ju them.

Por ne nuk kemi ndërmend, ne kemi ndërmend të kthehemi në forcën më të fuqishme të këtij vendi, në forcën qeverisëse të këtij vendi, në lokomotivë siç kemi qenë të zhvillimit dhe integrimit të saj në BE. Dhe ne ekzistojmë dhe do të ekzistojmë sa kohë që shqiptarët të ruajnë idealet e lirisë, shqiptarët të besojnë se me mundin, djersën e tyre në këtë vend të bekuar mund të ndërtojnë të ardhme, gjithnjë e më të mirë.

Pra nuk ka patur, ju them këtu ju, asnjë mendim tjetër përveç pjesëmarrjes dhe këtë unë e vlerësoj shumë, qoftë të kandidatëve, qoftë të drejtuesve të tjerë. Por pjesëmarrja në zgjedhje është aspekt jashtëzakonisht i rëndësishëm”, tha Berisha.

Lajmi kryesor:

Vendimi i Apelit/ Berisha pa parti, firmos si kryetar i PD kërkesën në KQZ për 14 majin! Kandidatët do të regjistrohen me koalicion, s'ka 'të pavarur' as bashkëpunim me Alibeajn

SI.E./r.k./Shqiptarja.com

TAG:
• 3 marsi i pd
• sali berisha
• PD
• Lufta brenda PD
• kqz
• zgjedhjet vendore 2023
• flamur noka