'Berisha i dhuroi PD-në Bashës?' Topalli: Unë kurrë s'e kam votuar, më 25 prill e mbyll ciklin ai

Kryetarja e partisë më të re 'Lëvizja për ndryshim', Jozefina Topalli  nuk i ka kursyer kurrë kritikat për Lulzim Bashën duke e bërë fajtor se falë tij Rama po qëndron në pushtet. E pyetur nëse Berisha është përgjegjës që i dhuroi PD-në Lulzim Bashës, Topalli tha se ajo nuk e ka votuar kurrë kryedemokratin dhe se më 25 prill ai do e mbyll ciklin e tij

"Unë kam folur për zgjedhje të manipuluara në 2017, unë nuk kam votuar ndonjëherë për Lulzim Bashën, por do isha e padrejtë po të mos thoja që të gjithë ne jemi përgjegjës për gjendjen në të cilën ndodhet opozita dhe të gjithë ne së bashku jemi përgjegjës për situatën në të cilën ndodhet Shqipëria. Nëse ne do rrimë duke pritur, për një tjetër apo për një kohë më vonë, akoma më keq do ndodhet vendi jonë.Ndaj dhe në një përpjekje jo të lehtë kemi ndërmarrë krijimin e kësaj lëvizje, që nuk është parti në kuptimin tradicional të partive. Është një lëvizje që kërkon të shkundë sistemin, që kërkon të rrëzojë 3 kryetarët që mbajnë politikën , ekonominë, gjithë jetën e Shqipërisë dhe që mendojnë se janë të përjetshëm por jo.Besoj se në 25 prill do kemi befasi të mëdha në skenën politike. Nëse shqiptarët janë të kënaqur ok le t’i votojmë, por unë besoj në reagimin e tyre dhe ndoshta është momenti që pas 3 dekadave duhet të mbyllin ciklin”, tha Topalli në Top Channel.

TAG:
• lulzim basha
• PD
• sali berisha
• jozefina topalli