Lufta politike mes Sali Berishës dhe Lulzim Bashës mund të zhvendoset në gjykata dhe prokurori. Kryetari i PD-së, Lulzim Basha, përmes Sekretarit të Përgjithshëm, Gazmend Bardhi, ka ngritur dyshime mbi autenticitetin e firmave të 4 200 delegatëve që Sali Berisha pretendon se ka mbledhur, me qëllim për të mbledhjen e Kuvendit Kombëtar, për të shkarkuar Bashës dhe për të rimarrë vetë drejtimin e partisë. Dyshimet e para për mundësinë e falsifikimit të firmave nisën pasi Sali Berisha, gjatë një konference shtypi ditën e djeshme, e vuri theksin tek ruaja e identitetit të delegatëve që kanë firmosur, me alibinë e mbrojtjes së të dhënave personale.
“Do ruhet privatësia e të dhënave të formularët, se ka jo vetëm gjeneralitete, por edhe numrin e kartës së anëtarësisë dhe të identitetit”, tha Berisha. Mesazhi ishte shumë i qartë: Delegatët duhet të mbeten sekret me çdo kusht. Për të mos zbuluar identitetin e delegatëve, çka do të ekspozonte çdo manipulim të mundshëm, Berisha urdhëroi që formalët të kyçeshin "Në kasafortën e zyrës së kryetarit të Këshillit kombëtar të PD”, pra të Edi Palokës, i besuar i ‘Foltores’.
Në asnjë pikë të statutit të PD-së nuk parashikohet që kreu i Këshillit Kombëtar administron firmat për mbledhjen e Kuvendit. Kjo procedurë është sajuar nga Berisha.
Berisha shmangu sekretariatin e Partisë Demokratike për të administruar firmat, pasi sekretariati kontrollohet nga Lulzim Basha, të cilin jo vetëm nuk ia ka më besën, por Basha mund t’i çojë firmat në prokurori nëse disa nga delegatët në formularët e Berishës, mohojnë që të kenë firmosur.
Duke e ditur se kjo pikë mund t’i kthehet në bumerang, Sali Berisha u ndal më gjatë, duke shpikur një procedurë në kokën e tij, pa asnjë bazë në statut. Berisha u shpreh se “Verifikimi i mandateve sipas rregullit të çdo kuvendi bëhet dhe fiksojeni mirë, bëhet vetëm nga Kuvendi sepse vetëm Kuvendi ka të drejtën që të verifikojë mandatin e zonjës apo zotërisë së ka firmosur formularin. Unë e ftoj në foltore, madje që të mësojë, pengun kryetar e ftoj të vijë dhe në verifikimin e mandateve. Të vijë ose të sjellë grupin e tij. Dhe të shikojë se kush ka firmosur për mbajtjen e Kuvendit”.
Në këtë linjë, Berisha kërkon të mbledhë edhe Kuvendin Kombëtar, duke shmangur Bashën, i cili sipas statutit të PD-së, duhet të caktojë një komision për drejtimin e mbledhjes së Kuvendit të PD-së. Pra, Sali Berisha, sot vetëm një anëtar i PD-së, kërkon të diktojë një proces mbledhje dhe votimi në PD, duke nxjerrë jashtë loje kryetarin e partisë Lulzim Basha dhe lidershipin e tij, i zgjedhur disa muaj më parë.
Statuti i PD-së
Statuti i Partisë Demokratike nuk parashikon asgjë mbi rrugën që duhet të ndjekin firmat e ¼ të delegatëve, të cilët kërkojnë mbledhjen e Këshillit Kombëtar të PD-së. Pika 2 e nenit 43 të statutit të PD-së parashikon që “Kuvendi mund të mblidhet edhe kur e kërkojnë 1/4 e anëtarëve të PDSH-së ose 1/4 e anëtarëve të Kuvendit Kombëtar”.
Më tej thuhet se “Punimet e Kuvendit drejtohen nga një Komision i përbërë nga 5 anëtarë, i cili zgjidhet në fillim të Punimeve të tij, me propozimin e Kryetarit të Partisë”, pra me propozim të Bashës. Nuk ka asnjë parashikim tjetër për organin ku duhet të dorëzohen firmat dhe verifikimin e tyre.
Por, statuti i PD-së, në nenin 47 parashikon që Sekretari i Përgjithshëm është përgjegjës për organizimin e partisë, si dhe për funksionimin e përditshëm të saj. Ai organizon dhe ndjek zbatimin e akteve të nxjerra nga organet qendrore të partisë në degët e PDSH-së.
Pretendimi i Bashës
Lulzim Basha, përmes Sekretarit të Përgjithshëm Gazmend Bardhi, pretendon se firmat e delegatëve dorëzohen në sekretariatin e PD, pasi është i vetmi institucion që ka kapacitetet për të verifikuar mandate dhe që ka listën e anëtarësisë. Sekretariati, pasi verifikon firmat dhe del në përfundimin se janë reale, ia kalon Kryesisë. Nga ana tjetër, Kryesia e PD-së administron firmat dhe merr në shqyrtim objektin e mbledhjes së Kuvendit të PD-së. Nëse objekti i mbledhjes së Kuvendit është në përputhje me statutin e PD-së, njofton mbledhjen e Kuvendit të partisë.
Çështja drejt gjykatës
Procedua e ndjekur nga Sali Berisha për administrimin e firmave të 4 200 delegatëve të pretenduar nuk ka asnjë bazë statusore dhe është një shpikje e tij. Por, nga ana tjetër, edhe procedura pretenduar nga Lulzim Basha nuk është e shkruar në statut. Në këto kushte, zgjidhjen mund ta japë vetëm gjykata. Nëse gjykata vihet në lëvizje, zgjidhja e çështje do të zgjatej disa vite. Nga ana tjetër, nuk përjashtohet as mundësia e hyrjes në veprim të prokurorisë nëse listat mund të rrjedhin dhe nëse delegatë që kanë emrin në formular, mohojnë firmën.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
Kush mendon largimin e Rames, duhet te kerkoje me force, qe jovetem Sala te shqitet nga PD, por deri tek komshinjte e tij, te Xenit e Argos. Pra cdo kush qe ka lidhje me te. Atehere PD do te jete nje force konkuruese
Përgjigju