Berisha: Kryetari i ri i PD-së
do të votohet më 22 korrik

TIRANË – Kryetari i PD-së, Sali Berisha, ka njoftuar sot mediat se votimi për kreun e ri të partisë do të bëhet më 22 korrik. Pasi doli nga mbledhja e Kryesisë, kryetari në detyrë, Berisha, tha
 
“ Kandidtaturat për kreun e PD-së mund të jenë zyrtare, të kryesisë ose individuale. Kryesia konstatoi se përveç këtyre dy kandidaturave, kanë shprehur vullnetin edhe dy anëtarë të saj, njeri prej tyre Astrit nga Fieri dhe Sokol Baja nga Tirana.  Kryesia mendoi që ata kanë të drejtë, duke plotësuar rrugën që përcakton statusi për ata që duan të kandidojnë dhe nëse ata i plotësojnë, do të vendosen në lista.”
 
Berisha shpjegoi edhe procedurën e votimit: “Do të krijohet një KQZ me 7 anëtarë dhe dy ndihmësa; kandidatët do të kenë nga një anëtar përfaqësues. U caktua data 22 për votimine përgjithshëm të liderit të ri. Mbledhja ishte shumë normale. U bë edhe një përkujdesje, sepse ç’ka ndodh: Kemi personalitete të çmuara, por s’e kanë emrin në listë dhe statusi e përcakton që ata të vendosen në lista. Unë shoh proces shumë dinjitoz për PD-në.
 
Detyra e anëtarësisë së PD-së është të japë procesin më dinjitoz që ka dhënë ndonjëhërë. Pastaj besoj se të dy kandidatët janë plotësisht të përgatitur për të pranuar me qetësi verdiktin e anëtarësisë së partisë. Pas kësaj, çdo fitues, do ketë të drejtë të ndërtojë lidershipin e ri të PD-së; natyrisht, ta propozojë, sepse Këshilli është parlamenti që përzgjedh kryesinë dhe sekretarin e përgjithshëm, por kryetari i ri do ketë një zë të fuqishëm në këtë çështje.
 
Degët do t’u organizojnë takime secilit, do marrin porosi nga kryetari në detyrë dhe kandidatët do shkojnë veças në to, s’ka pse të venë bashkarisht. Shoh pra një proces mjaft të ciilizuar që po ecën. Kjo garë do t’i japë PD-së një fillim të ri të fuqishëm që s’e ka pasur ndonjëhërë më pare,”- përfundoi Berisha.

Redaksia online
(ar.sh/shqiptarja.com)

TAG:
• kqz