POP 5

Lajmet më të lexuara të 5 minutave të fundit

Politikë

Berisha kujton daljen e gazetës ‘RD’: Ditë e fjalës së lirë! Gështenja: Shqipëria po shkon drejt diktaturës moderne

Sali Berisha e quan ditë të fjalës së lirë 5 janarin e vitit 1991 kur doli në treg numri i parë i gazetës Rilindja Demokratike, gazetë zyrtare e PD.

Berisha kujton daljen e gazetës ‘RD’: Ditë e fjalës së lirë! Gështenja: Shqipëria po shkon drejt diktaturës moderne

Numri i parë i gazetës 'RD'

Sali Berisha e quan ditë të fjalës së lirë 5 janarin e vitit 1991 kur doli në treg numri i parë i gazetës Rilindja Demokratike, gazetë zyrtare e PD.

“Numrin e saj të parë e pritëm në një natë të bardhë, pothuajse si nje akt të magjishëm. Ky numër hapej me titujt kushtuar fjalës së lirë, interesit kombëtar, si ylli polar i PD, tregut të lirë dhe kronikat e lëvizjes studentore të atyre ditëve që ndanë epokat si dhe veprimtaritë në Tiranë dhe rrethe të PD-së” shkruajti Berisha teksa publikoi numrin e parë të gazetës.

Ndërsa Lefter Gështenja thotë se gazeta i dha zë dhe zemër çdo shqiptari për liri e demokraci, por sipas tij, shqiptarëve ende u mohohet e drejta e fjalës së lirë.

“32 vite më parë u botua gazeta e parë e fjalës së lirë Rilindja Demokratike. Pas 50 vitesh diktature të egër komuniste, numri i parë i kësaj gazete ishte shkëndija e parë që theu frikën, i dha zë dhe zemër çdo shqiptari për liri e demokraci. Sot pas 32 vjet "demokraci" shqiptarëve po u mohohet e drejta e fjalës së lirë. Me keqardhje e them por Shqipëria po rrokulliset drejt greminës, drejt një diktature moderne!”, shkroi Gështenja.

“Rilindja Demokratike”, zëri zyrtar i opozitës gjithashtu nuk mundi t’i shpëtonte ndarjes së PD për shkak të luftës Basha-Berisha. Sot ekzistojnë dy faqe zyrtare të saj, ajo që zotërohet nga PD e Bashës, jo-aktive që prej marsit të vitit të shkuar dhe tjera, ku shigjetohet jo vetëm qeveria, por edhe grupi Alibeaj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça