POP 5

Lajmet më të lexuara të 5 minutave të fundit

Ekonomi

Berisha:Linjë të re nënujore me
Italinë, partneritet publik-privat

"Qeveria do të vendosë se shpejti për të ndërtuar një linjë të re nënujore në partneritet publik-privat, që lidh Shqipërinë me Italinë, një treg gjigand energjetik". Këtë ka premtuar kryeministri Sali Berisha sot gjatë përurimit të OST.
Berisha:Linjë të re nënujore me <br />Italinë, partneritet publik-privat
TIRANË (KASHAR) - "Qeveria do të vendosë se shpejti për të ndërtuar një linjë të re nënujore në partneritet publik-privat, që lidh Shqipërinë me Italinë, një treg gjigand energjetik". Këtë ka premtuar kryeministri Sali Berisha sot gjatë përurimit në Kashar të sistemit të ri të kontrollit energjetik të Operatorit të Sistemit të Transmetimit, OST, SCADA/EMS, një vepër e ndërtuar nga kompania italiane ABB. Berisha e ka thënë këtë përpara ambasadorit italian në Shqipëri, Massimo Gaiani, i pranishëm në përurim, por pa shpjeguar më tej asnjë detaj se si, kur, kush do të jenë aktorët dhe faktorët e projektit të madh nënujor.  

EDHE PSE NË KRIZË, ITALIA NDIHMON NJËSOJAT PËR SHQIPËRINË

Kryeministri Berisha shprehu mirënjohjen e veçantë për qeverinë italiane për investimet që ajo ka bërë në Shqipëri. Megjithëse në këtë kohë nuk ka kaluar një moment të mirë ekonomik, kjo s'e ka penguar Italinë mike të mos i ndërpresë investimet për Shqipërinë".

"Së pari dëshiroj të shpreh një mirënjohje më të thellë, qeverisë italiane, taksapaguesve italiane, për bujarinë e tyre të madhe, kontributin thelbësor, të jashtëzakonshëm që kanë dhënë gjatë këtyre dy dekadave, Shqipërisë dhe shqiptarëve në përpjekjen e tyre, për të ndërtuar një jetë më të mirë, për t'u ndarë me një të shkuar tepër të hidhur, për të ecur në rrugën e integrimit, në rrugën e begatisë", ka bërë parantezë kryeministri.

Berisha ka shtuar se projektet e kooperacionit italian janë të shtrira në mbarë vendin, në të gjitha fushat, dhe kanë pasur ndikim thelbësor në përmirësimin e jetës së qytetarëve shqiptarë. "Ato janë projekte që shtrihen në të gjitha fushat, në infrastrukturën bazë, në arsim, në shëndetësi, në fushën e sigurisë të mbrojtjes. Nuk ka fushë, në të cilat marrëdhëniet tona të mos jenë të shkëlqyera, të mos jenë frytdhënëse", ka theksuar Berisha.

Ai ka bërë më tej me dije edhe një fakt të ri, se gjatë këtyre viteve dhe gjatë vizitës së tij të fundit në Itali, pak muaj më parë, "qeveria mike italiane më informoi se kooperacioni me Shqipërinë do të vazhdojë, madje më paraqiten listën e projekteve, ku ne duhet të ishim më të shpejtë, më të vëmendshëm dhe kjo e dyfishon mirënjohjen tonë ndaj jush dhe ndaj qeverisë suaj e taksapaguesve tuaj".

Redaksia Online
(ma/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

26 Nëntor, 22:57