Kryetari i Partisë Demokratike, Sali Berisha, mbajti sot (25 Dhjetor) një pritje dhe takim me Lidhjen Demokratike të Gruas, pikërisht në ditën e Krishtlindjes.
Të pranishëm edhe forumi rinor demokrat dhe përfaqësuese të strukturave të PD.
Takimi nisi me një fjalim përshëndetës dhe urim për festat, por edhe me mbi 300 ditët e “qëndresës”, referuar arrestit shtëpiak të Berishës për dosjen e aferës “Partizani”, teksa drejtueset e LDG-së e quajtën ish-kryeministrin edhe si ‘simbolin e rrugës së shpresës’.
“Është një nder i veçantë për mua, në këtë ditë të bekuar, të përshëndes zonjat, zonjushat demokrate, motrat tona, duke kujtuar ditën e shënuar të lindjes së Krishtit, duke mos harruar se është profeti i të gjitha besimeve. Përulem para qëndresës suaj”, e nisi fjalën Berisha.
Më tej ai bëri një krahasim hiperbolik dhe mitik për qeverinë Rama, nga narkoregjim, tek ajo e “Luciferit”.
“Keni përjetuar kalvar në regjimin e qeverisë. Mund t’i japim shumë epitete këtij regjimi, por kam arritur në përfundim se i përshtatet, le ta quajmë Luciferit. Me këtë term të marrë nga mitologjia, ku zbriti për të bërë ndryshim dhe krijoi katastrofë me fuqi shkatërrimtare të paparë në ndonjë komb tjetër. Dhe ata që e pësuan më rëndë dhe më shumë janë nënat shqiptare (i referohet qeverisë Rama). Sot në Shqipëri janë qindra dhe mijëra nëna që s’i kanë në vatra fëmijët e tyre, por i kanë përcjellë në rrugët e huaja. Qindra e mijëra gjyshe që jetojnë në vetminë e thellë, sepse ata që duhet të kujdeseshin janë larguar dhe kanë marrë rrugët e dheut. Përballen me një varfëri ekstreme, të frikshme, i mohon mjekimin, i imponon zhytjen”, u shpreh kreu i PD.
Teksa më tej kujtoi sjelljen e ministreve gra të qeverisë Rama, që kanë pësuar metamorfozën.
“Kur Rama krijoi kabinet me vajza e gra, unë e përshëndeta, jo me hipokrizi, por me sinqeritet. Pavarësisht se ai ishte kundërshtar dhe ato kundërshtare. Por kur shoh dramën që përjetojnë nënat, vajzat, gratë shqiptare dhe faktin se këto zonja të pushtetit nuk shqiptojnë njëherë të vetme qoftë dhe problemin më të vogël që kanë nënat dhe motrat shqiptare, nuk arrijnë të gjejnë forcën morale dhe t’i dërgojnë një letër ngushëllimi nënës së Martin Canit, që u vra në shkollë e meqë u vra atje, për Edi Ramën është armik, sepse nuk kushton jeta e njeriut, por akuza që i bëhet shkollës. Metamorfozë e frikshme njerëzore, që as në romanet e Kafkës nuk e gjen dot”, u shpreh ai.
Kreu i selisë blu theksoi më tej edhe gjendjen e varfërisë së vendit dhe braktisjen e vendit, si dhe situatën ekonomike. Por pranoi dështimin me programin e PD në qeverisjen e parë, duke premtuar se do ketë realizime në qeverisjen e ardhshme.
“Janë larguar 1,9 milionë shqiptarë nga vendi. 70% e tyre janë të rinj. Programi ynë nuk i realizoi të gjitha objektivat, por ai i ardhshmi do parashikojë objektiva të tjera në këtë barazi. Mbrojtje të hekurt grave dhe vajzave nga dhuna. Do parashikojë ndëshkimet më të rënda ndaj atyre që guxojnë të cenojnë dinjitetin e tyre, për nënat kryefamiljare, që ndoshta sot në shoqërinë tonë janë të shumta për arsye të komplicitetit”, tha Berisha.
Gjithashtu bëri thirrje dhe theksoi se fuqia e grave është më e madhe se e burrave, duke kërkuar angazhim.
“Fuqia elektorale e grave është më e madhe se e burrave, ato janë më bindëse, janë më të përkushtuara me fuqinë e tyre elektorale, sesa burrat.
Më tej ai iu kthye premtimeve nëse fiton zgjedhjet:
“Do jetë 200 euro minimumi jetik, rroga minimale 500 euro, rritje të pensioneve dhe rrogave. Kthimin e TVSH-së pensionistëve për mallra ushqimore etj. Këto premtime kanë rezervën mbrapa, do i realizojmë, do i vendosim 3 muajtë e parë”.
Dhe në mbyllje Berisha ritheksoi abuzimet financiare skandaloze nga Ministria e Infrastrukturës, në tenderimet e rrugëve, si dhe situatën e investimeve apo rrogave.
“13 km rrugë në 14 kontrata për të vjedhur 14 herë. Nuk do bëjmë rrugë ndryshe nga Kroacia dhe ato të rajonit, me dallime ekonomike të mëdha nga këto në Shqipëri. Do rikthejmë ligjin në këtë vend dhe sigurinë për qytetarët. Do rikthejmë ecjen tonë drejt BE-së. Shikoni Malin e Zi, kur ne mbetemi me rrogë mizerabël minimale, ata nga 150 e çojnë në 450, apo rumunët”, mbylli fjalën Berisha, duke uruar në fund festat dhe një fitore më 11 Maj.
Berisha me gratë e PD
Në pritjen që kreu i PD mbajti sot me rastin e festave me Lidhjen Demokrate të Gruas, fjalimet hyrëse dhe përshëndetëse u mbajtën nga përfaqësueset e forumeve përkatëse.
Një prej tyre e emërtoi ish-kryeministrin edhe si “Zotin e Tokës”, duke iu referuar qëndresës së tij pas përballjes me drejtësinë për mbi 300 ditë në arrest shtëpie si i akuzuar dhe tani i pandehur për dosjen e aferës “Partizani”.
Madje ajo shkoi më tej, duke shprehur gatishmërinë për vetësakrifikim, duke thënë se “le të vijë plumbi te mua e para”.
Kurse deputetja e PD, Albana Vokshi, ngriti lart sakrificën e grave, që nuk u dorëzuan as para arrestimeve, shantazheve, shoqërimeve dhe kërcënimeve.
“Edi Rama është dhunuesi më i madh dhe urrejtësi më i madh i grave. Ju nuk u dorëzuat dhe i qëndruat përballë Ramës dhe narkoregjimit dhe në krah të kryetarit tuaj. Kush fiton votën e grave, fiton zgjedhjet më 11 Janar... më falni, më 11 Maj. Kemi mundësinë ta kthejmë Sali Berishën në qeverisje”, tha ajo ndër të tjera në fjalën e saj.
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11
