Berisha: Në qeverinë time të tretë
do ketë më shumë gra ministre

TIRANE - Kryeministri Berisha premton se në mandatin e tretë të qeverisjes së tij do të ketë më shumë gra ministre.

Në mbledhjen e radhës të qeverisë, paraditen e sotme kryeministri duke komentuar mosplotësimin e kuotave për pjesëmarrjen e grave në lista tha se do i plotësonte kuotat mandatin e ardhshëm kur në kabinetin qeveritar do të emërojë më femra në poste ministrore. Ai është shfaqur i sigurtë në fitoren e një mandati të tretë, dhe duke kujtuar gjobën nga KQZ për mos kandidimin në masën 30% të grave në lista sipas kodit, premtoi se do plotësonte kuotën m postet qeveritare.

"Mandatin e ardhshëm në kabinetin tim do të ketë më shumë femra”- tha Berisha duke iu drejtuar ministres së Integrimit, Majlinda Bregu e cila nga ana e saj u përgjigj
“rëndësi ka që ne i duam gratë”

Në mbledhjen e qeverisë Berisha solli dhe shqetësimin e përcjellë nga peshkatarët e Durrësit, me të cilët u takua pasditen e djeshme. Për këtë Berisha kërkoi hartimin e një plani kombëtar të peshkimit dhe ky sektor të përfshihet në skemën e heqjes së TVSH  

“Ne duhet të bëjmë gjithçka për prodhimin dhe nxitjen e tij, ky është zotimi ynë. Një vend që ka 400 kilometra vijë bregdetare. Liqenet dhe ujrat përbëjnë 15% më shumë se territori tokësor. Një vend që ka 600 rezervuare dhe po ndërtohen 300 të tjerë, duhet të ketë një riorganizim total të peshkimit. Po i rrjepim me tarifat e ankorimit. Duhet të ndryshohet praktika e kontrollit nga policia sipas eksperiencës italiane” tha Berisha.

Në lidhje me lehtësirat për peshkimin kryeministri kërkoi implementimin e skemës që po përdoret në bujqesi që të hiqet TVSH për ushqimin e sipermarrësve të rritjes së peshkut, siç po behet dhe për fermerët e serave.

Ministrit Ruli iu kërkua përfshirja e hekurit si mall pa TVSH për fermerët që e kani si kosto në ndërtimin e serave.

DO TË ULIM TVSH-NË PËR INDUSTRINË E TURIZMIT
“Kjo degë e kësaj industrie është një degë e rëndësishme e ekonomisë. Dhe ky hap do të jetë një lehtësim i madh për ekonominë. Por edhe konsumi i brendshëm është një faktor tjetër shumë i rëndësishëm, pasi në 4.8 milion turistë kjo nënkupton një rritje të madhe të konsumit” shtoi kryeministri Berisha

(sg/shqiptarja.com)

TAG:
• kqz