Delegatët e Kuvendit janë zyrtarë të PD por Berisha thotë se i ruan të dhënat personale, nga Saranda ka një mesazh për Bashën: O peng kryetar shko kontrolloji 4200 firmat por jo si kryetar

Gjatë 'Foltores' së Berishës në Sarandë sot ka pasur edhe një moment nostalgjie. Një militant i Sali Berishës në Sarandë, i ka kujtuar ish-Kryeministrit komunizmin.

Ai tha se ka respekt për kryeministrin e ndjerë Mehmet Shehu.

Aktivistja amerikane Evi Kokalari, e cila ka ardhur nga SHBA dhe mbështet ‘Foltoren’ Sali Berishës nga Saranda sot hodhi akuza në drejtim të Lulzim Bashës.

Kokalari e akuzoi Bashën për korrupsion dhe tha se ai është shkaktari që PD ka humbur. Më tej ajo theksoi se 4200 firmat e delegatëve i janë dërguar Edi Palokës, duke shtuar se Basha sa duket pret t’ja çojmë firmat në krevat.

“Basha ka pasur dualizëm me kunatin e tij, një korrupsion i thellë në PD, që e ka bërë të humbë. Nuk ia kam idenë se për çfarë flet Basha. Kalojmë tek Gazmend Bardhi. Mësova sot se ai nuk është votuar. Bardhi dhe Grida Duma morën pozicionet e tyre në mënyrë antidemokratike. Sot janë 4200 firma në zyrën e Edi Palokës. Basha po pret që t’ia çojmë firmat në krevat. Basha do iki më 11 dhjetor, do shkarkohet”, u shpreh Kokalari.

Edhe pse sipas institucioneve të Partisë Demokratike zyrtarisht mbledhja e Kuvendit Kombëtar nga ana e Sali Berishës është ilegale sipas statutit të partisë, pasi nuk janë mbledhur firmat, ish-kryetari ka publikuar në mediat sociale rendin e ditës për Kuvendin Kombëtar me datën 11 dhjetor.

Pika kryesore e rendit të ditës, sipas asaj që ka publikuar Berisha është ndryshimi statutit të partisë, por nuk është bërë me dija se cilat do të jenë konkretisht pikat që duhet të ndryshohen.

Një tjetër pikë është analiza e qëndrimeve dhe akteve të Kryetarit Basha ndaj parimeve themelore e normave të statutit dhe ndaj forumeve të Partisë Demokratike. Po ashtu pritet që të diskutohet edhe aksioni që do të ndërmarrë më tej Partia Demokratike në lidhje me aksioni politik opozitar të PD-së.

'Miratimi i ndryshimeve statutore sipas propozimeve konform nenit 43/4 dhe 60 të Statutit të PDSH për rivendosjen dhe garantimin e demokracisë në vendimarrjen në forumet e Partise Demokratike. Analiza e qëndrimeve dhe akteve të Kryetarit Basha ndaj parimeve themelore e normave të statutit dhe ndaj forumeve të Partisë Demokratike. Vendimarrje sipas ndryshimeve statutore të propozuara dhe thirrja e referendumit të antarëve të Partisë Demokratike për të miratuar vendimet e Kuvendit Kombëtar të Partisë Demokratike. Përcaktimi i aksionit politik opozitar të Partisë Demokratike të Shqipërisë. Per ndryshimet statutore do diskutohet mbi bazen e propozimeve te anetareve te Kuvendit dhe Keshillit Kombetar qe do parashtrohen ne kete Kuvend. Kuvendi Kombëtar do të mbahet në ambjentet e Pallatit të Kongreseve, Tiranë.'- shkruan ndër të tjera Berisha.