Zgjedhjet e pjesshme vendore, Kryemadhi mbështet kandidatin e Berishës për Dibrën: Alternativa më e mirë

Sali Berisha prezantoi sot kandidatin e koalicionin 'Shtëpia e Lirisë', nga ku ai u përjashtua nga KQZ, Premtim Kryemadhin, kandidaturë e cila është mbështetur edhe nga kryetarja e LSI-së, Monika Kryemadhi. Me një postim në facebook, Kryemadhi u bën thirrje zgjedhësve të votojnë Premtim Kryemadhin për t'u shkëputur, siç tha ajo, nga shkatërrimi i qytetit dhe monopolizimi i ekonomisë.

Postimi i plotë:

Për të mirën e Dibrës, zgjidhni alternativën më të mirë!

E përshëndes propozimin e z. Premtim Kryemadhi, kandidat i Shtëpisë së Lirisë për bashkinë Dibër, i cili krahas paraqitjes së një platforme për drejtimin e bashkisë, ka ftuar në debat publik kandidatët e tjerë që garojnë në zgjedhjet e 6 Marsit. Ky është një standard demokratik që i ka munguar prej vitesh kulturës së zgjedhjeve në Shqipëri. Ku garat elektorale më së shumti kanë shërbyer si një moment përbaltje, se sa përballje ofertash politike.

Presioni i administratës publike dhe paraja në zgjedhje, janë faktorë që krahas fitores së kandidatit që mbështetet nga këto fenomene, sjell edhe shkatërrimin e qytetit, monopolizimin e ekonomisë, rritjen e taksave që më pas shkojnë në koncesione dhe investime për të pasuruar ata që i hodhën paratë për të blerë vota. 6 Marsi është shans i ri për t’u shkëputur nga të tilla fenomene, që dosjet 184 dhe 339 vërtetuan se kishin ndodhur në Dibër dhe gjerësisht në Shqipëri. Dibra dhe dibranët meritojnë transparencë! Zgjidhni më të mirin e Dibrës në 6 Mars!

Lajmi kryesor:

Berisha nga Dibra i del në krah Armand Dukës: Narko-shteti zëvendësoi topin me tritol në FSHF! Bashën narkoshteti e ka fut në qerre

TAG:
• monika kryemadhi
• premtim kryemadhi
• zgjedhjet 6 mars 2022
• shtepia e lirise
• sali berisha
• Diber