POP 5

Lajmet më të lexuara të 5 minutave të fundit

Politikë

Berisha sfidon sërish masën e GJKKO që i ndalon komunikimin me jo-familjarët, mban fjalim nga dritarja! Sulmon edhe SHBA-të nga dritarja e banesës

Sali Berisha ka sfiduar sërish vendimin e GJKKO-së që e la në arrest shtëpie dhe ndalim të komunikimit me persona jo-familjarë. Siç ka bërë prej ditësh tashmë, Berisha ka dalë sërish në dritaren e banesës ku po mbahet në arrest shtëpie dhe ka mbajtur fjalim para disa militantëve të tij duke akuzuar SHBA-të dhe drejtësinë për komplot ndaj tij. 

Berisha sfidon sërish masën e GJKKO që i ndalon komunikimin me jo-familjarët, mban fjalim nga dritarja! Sulmon edhe SHBA-të nga dritarja e banesës

Sali Berisha

Duke sfiduar sërish vendimin e gjykatës së posaçme që vendosi ndaj tij masën arrest shtëpie duke i lejuar vetëm komunikimin me familjarët, Sali Berisha mbajti pasditen e të dielës fjalimin e radhës nga dritarja.

Pavarësisht se drejtësia ia ka ndaluar komunikimin me persona të tjerë në cilësinë e të pandehurit të SPAK për korrupsion, Berisha vijoi me thirrjen e tij për mosbindje civile si dhe akuzoi sërish Shtetet e Bashkuara të Amerikës duke e quajtur si ‘ komplot të mafies ndërkombëtare’ shpalljen e tij non-grata në 2022.

"Dy vjet më parë me instinktin tuaj të lirisë, në ndjesinë më fisnike të njeriut, të dinjitetit të tij, kur e patë se opozita me program po tradhtohej, se Shqipëria po dënohej me një opozitë aleate të Edi Ramës, u ngritët fuqishëm në kushtet më të jashtëzakonshme dhe i thatë jo, prerjes në besë të idealeve demokratike të shqiptarëve. I thatë jo, presionit, shantazheve të mafies së Xhorxh Sorosit dhe mafies ndërkombëtare. I thatë jo përpjekjes për një Shqipëri pa opozitë dhe rithemeluat opozitën e kombit shqiptar, e cila bëri gjithçka për të dalë në shesh, për të lënë mënjanë çdo mashtrim dhe gënjeshtër dhe ju tha shqiptarëve të vërtetën, se sot për vullnetin, votën, dinjitetin tuaj, ju keni një armik po kaq të egër sa në diktaturën më të zezë të të shkuarës komuniste. Dhe ky armik është Edi Rama”, tha Berisha nga dritarja e banesës ku mbahet në arrest shtëpie.

Më 30 dhjetor 2023, GJKKO pranoi kërkesën e SPAK për zëvendësimin e masës detyrim paraqitje në arrest shtëpie për Sali Berishën, si person në hetim për aferën e ish-kompleksit Partizani. Prej 2 janarit ai po e sfidon këtë masë duke komunikuar me persona jashtë banesës përmes megafonit me fjalime politike dhe akuza për drejtësinë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ethem Lalaj-MallaKASTRIOTI: 08/01/2024 10:56

    VINI RE: -Tragjizmi Sb dihej se do të ndodhte,ndaj IZOLIMI TIJ u bë me Reformimin e Drejtësisë së RE:Tashmë duhen vën pikat mbi :I": 1.Ose Sb është i çmendur dhe duhet izoluar në psikiatri-Elbasan,Vlorë,etj..Dhe dihet që Sb është kuruar nga mjeku YLVI VEHBIU në vitet 1970.Për këtë pyesni BABA TAKUN..!! 2.Ose GJKKO,GJL janë akoma të TREDHURA prej Sb,92. -GJL duhet ti japi fund mohimit të VULËS PD legjitime të Lb,pasi ky ishte i pari në PD që e nxori NOKAUT Sb me porosi Amerikane..Si dhe të zbatoi kërkesën e SPAK për të kthyer në burg J.Malltezin e korruptuar me mbi 30 kulla,Objekte ndërtimi €,$,Lekë të falura nga vjerri Salih..! -GJKKO duhet të shtrëngoi masat ndaj Sb dhe të mos e lejoi të komunikoi me militantët me megafon,Fb,etj,në të kundërt të japi dorheqjen.Gjyqtarja që nxori nga burgu Malltezin të shkarkohet menjëherë...! -MJAFT MË ME SB TURPIN E KOMBIT..!

    Përgjigju
  • Hasani: 08/01/2024 09:05

    Mos e ngacmoni lereni popullin te argetohet sepse ka zevendesuar cfaqjet qe grupet amatore jepnin neper lagje ne kohen e socializmit.

    Përgjigju
  • abc: 08/01/2024 01:23

    lere,,lere,,iku nga fiqiri...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

25 Dhjetor, 17:03