Berisha sulmon Fatos Klosin: Në zgjedhjet e 2001 u kap me qese duke ia dhënë vëzhguesit! Ish-kreu i SHISH: Je mësuar të bësh akuza, por merru me familjen se ke probleme të mëdha

Nga “Foltorja” e Shkodrës, ish-kryeministri Sali Berisha ka sulmuar ish kreun e SHISH, Fatos Klosi, duke thënë se në 2001 një demokrat ka kapur atë duke i dorëzuar një qese të madhe një vëzhguesi për manipulim votash.

Berisha  vijon historinë duke thënë se e ka kërcënuar vëzhguesin se nëse hap gojën për zgjedhjet, do t’i publikonte fotot kur merrte qesen e madhe nga Klosi.

“Në 2001 na ndodhi një gjë e tillë, nuk e kishim klimën në favor. Një demokrat kapi në një klub Fatos Klosin duke i dorëzuar një qese të madhe, një vëzhguesi, po edhe unë i çoj fjalë, i them, ose ti je agjent i Klosit, ose i korruptuari i Klosit, po e çele gojën për këto zgjedhje të gjitha fotot do të dalin”, tha Berisha.

LEXO EDHE:
I dha PD-në Berishës, gjyqtari Agron Zhukri me 1 miliard lekë pasuri, përballet me bilance negative në vlera të mëdha në KPK

Për këtë histori ka reaguar edhe vetë Klosi i cili shprehet për Gazetën TemA se  kjo është një gënjeshtër dhe se Berisha duhet të merret me vetën dhe familjen e tij pasi kanë një hall të madh, duke iu referuar shpalljes ‘non grtata’ nga DASH.

“Sikur nuk ja vlen gjithë kjo rëndësi, është një gënjeshtër e madhe kjo dihet. Berisha e ka zakon që në raste kur është në situatë të rrezikshme merret me mua dhe më ngjesh akuza e ngjarje të tmerrshme. Por kjo është thjesht qesharake. Nuk mund të jem unë shtegu që ai të gjej shpëtimin politik. Sot Saliu ka një problem të madh, madje shumë të madh së bashku me familjen e tij. Do të ishte më e udhës të merret me të…”, tha Klosi

TAG:
• sali berisha
• Fatos Klosi