Sali Berisha ka ngritur sërish dyshimet për zhdukjen e Ervis Martinjat. Si gjithmonë, pa kryer verifikime, Sali Berisha ka publikuar mesazhin e një qytetari ‘dixhital’, i cili e ka informuar se një ‘femër e partisë së krimit’ duke ju referuar Partisë Socialiste, ‘di gjithçka për zhdukjen e Ervis Martinjat’. Duke hedhur sërish akuza kundrejt policisë së shtetit dhe prokurorisë, Sali Berisha thotë se ato po fshehin femrën e partisë.

"Per fatin e Ervis Martinajt di gjithçka nje femer e partise se krimit! Policia dhe prokuroria e partise fshehin rolin e femres se partise. Qytetari dixhital ka pyetje direkte per Edi Ramen dhe rolin e tij ne zhdukjen e Ervis Martinit. sb

“Pershendetje Zoti Berisha! Jam kurioz me dit pse policia e rames nuk e nxjerr qe dy ditet e fundit para se me u zhduk Ervis martinaj ka qen i strehuar te nje femer socialiste qe punon te bashkia lali erit e cila quhet…Policia e di shum mir dhe ka mar deshmin e ksaj femre por pse nuk e nxjerrin sepse deri ne momentin qe ka taku shijaksit ka qen me kte femer me vete e ka derguar kjo nga shpia e vet ne shijak

Prokuroria ka edhe videot ku shihet Ervis Martinaj duke hyr ne pallatin ku jetonte kjo femer dhe kan edhe videot qe del nga apartamenti diten e zhdukjes me kte femer dhe hipen ne makinen e ksaj. Pse se nxjerr policia dhe edi ket fakt dhe videot kur del nga shoia ksaj dy ditet e fundit. Apo edvini do te mbroj gocat e partis vet dhe mos te zbulojet qe e ka eliminu vet ai Ervisin”, shkruan Berisha. 

Kryeministri Edi Rama në një deklaratë per mëdiat tha se policia e ka një version për fatin e Ervis Martinajt, por po punon fort për të siguruar akoma më shumë prova. Prej 11 gushtit, familja ka denoncuar se nuk ka asnjë kontakt me Ervis Martinajn. Ky i fundit ka qenë në kërkim të policisë për disa muaj dhe ka pasur shpesh herë operacione për kapjen e tij, por forcat blu kanë dështuar në arrestimin e tij. Referuar dosjes hetimore, xhaxhai i Ervis Martinaj, Faik Martinaj thotë se zhdukja mund të ketë ardhur që pas dëshmisë së Nuredin Dumanit dhe përfshirjen e tij më të tjera histori kriminale, duke vënë gishtin te Indrit Dokle. Pas kësaj dëshmie është marrë në pyetje Dokle, i cili ka mohuar të ketë lidhje me zhdukjen e Martinajt. Një nga pistat kryesore të hetimit është ekzekutimi i tij. Por duke qenë se është i shumëkërkuar edhe nga autoritetet por edhe nga rivalët e tij nuk përjashtohet as pista e inskenimit.