Afera Partizani/ SPAK merr të pandehur Berishën, avokati Beqiri për Report Tv: Rrezikon deri në 8 vite burg! Për fondacionin e Liri Berishës do të merret në pyetje gjithë familja e tij

Ish-kryeministri Sali Berisha ishte ditën e sotme në SPAK, pasi u mor zyrtarisht i pandehur për aferën ‘Partizani’.  Por, çfarë pritet të ndodh tani me Berishën?

Këtë e ka sqaruar avokati Idajet Beqiri ditën e sotme, në një lidhje skype për emisionin ‘Sot Live në Shqipëri’ në Report Tv, me gazetarin Nertil Agalliu, ku tha se Berisha rrezikon nga 2 deri në 8 vite burg nëse ai shpallet fajtor.

“Kanë përfunduar hetimet dhe sot i është komunikuar akuza dhe pas kësaj merresh i pandehur, njihesh me aktet e dosjet me 500 faqe, i jepet dosja të pandehurit dhe avokatëve të tij dhe ai ka të drejtë që të bëjë deklarimet e veta dhe të jap shpjegime dhe të thotë nëse e pranon ose nuk e pranon. Çështja do të merret nga gjyqtari i seancës paraprake, i cili do ta dërgoj për gjykim, kur dosja është e kopsitur dhe ai duhet që të ndëshkohet me bashkëpuntorët e tij, ose gjyqtari mund të thotë se hetimet nuk janë të plota, por duhen plotësuar ose ai mund të vendos pushimin e çështjes, sepse mund të thotë nuk përbënë vepër penale. Por, nga përmbajtja e dosjes është një çështje konkrete dhe në atë dosje të  gjithë ata që ishin jurist thanë se ai rrezikon që të dënohet nga 2 deri në 8 vite burg”, tha ai.

LEXO EDHE:
Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Beqiri tha se një tjetër dosje për të cilin mund të merret i pandehur Berisha, është edhe fondacioni i bashkëshortes së tij Liri Berisha ‘Fëmijët Shqiptarë’, pasi SPAK ka nisur hetimin pasuror për këtë fondacion.

“Fondacioni i Liri Berishës është dosje më vete, ku do të merret i pandehur edhe Berisha, gruaja, vajza e tij. Berisha thoshte do futet në burg Taçi se ka bërë korrupsion dhe Taçi përveç miliona euro që i dha familjes së Berishës vetëm një pikturë i asaj 100 mijë euro dhe që pruri ekipin e Milanit në Shqipëri dhe ca u fitua ja dha Liri Berishës dhe ajo këto si ka deklaruar”, tha ai.

Avokati Beqiri përmendi edhe çështje të tjera për të cilat Berisha duhet të japë llogari, përveç aferës së Kompleksit ‘Partizani’

“Ky kjo është faqja e parë e librit voluminoz, sot atij SPAK i tha ardhç me këmbën e mbarë, për çështjet e tjera. Ai tërhoqi këmbën zvarrë edhe për familjen e vet, është djali tij Shkëlzeni, vajza dhe bashkëshortja e tij që janë të mbytur në krime dhe korrupsion. Është njeriu me rekorde kriminale në këtë vend.  Ndaj tij kanë filluar që të ngrihen akuza të tjera për çështje të tjera. Gërdeci është në proces dhe ai do të merret për të dëshmuar. Për CEZ -DIA do të jap llogari para shqiptarëve. Për 4 vrasjet e 21 janarit, por edhe për të tjerë persona që u plagosën atje. Nga privatizimi i Albpetrol, fonadacioni i Lirisë që është një krim makabër, për vjedhje masive dhe gjobëvënie masive. Ai do merret i pandehur edhe për 21 janarin, unë e them këtë edhe duke parë si po ecën hetimi. Dhe them se do të merret para se të marr dënimin për kompleksin ‘Partizani’, pra do ta ketë edhe një akuzë tjetër për 21 janarin”, tha ai. 

TAG:
• liri berisha
• spak heton partizanin
• sali berisha
• spak
• idajet beqiri
• dosja partizani

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq