Ish-kryeministri Sali Berisha vijon të shqetësohet për Arben Ahmetajn, i cili tashmë është në arrati për çështjen e inceneratorëve. Në një deklaratë për mediat, teksa hodhi akuza për kryebashkiakun Erion Veliaj, Berisha shprehet se SPAK lëshoi urdhër arrest për Ahmetajn pavarësisht se sipas tij kishte kundërshtuar 5 herë procedurën e inceneratorit. Berisha thotë se Ahmetaj firmosi vetëm pasi Veliaj mashtrove për leverdishmërinë e inceneratorit.
“Nuk është gabim, por vjedhje e krim i Erion Veliajt dhe askujt tjetër, detyrimi antiligjor i bizneseve që pas vitit 2016, që çdo kuintal dhe apo inerte, ta depozitojnë vetëm në Sharrë, dhe vetëm e vetëm që kompania e djegësit të Veliajt të merrte 450 milionë euro nga këto biznese.
Nuk janë gabime, por vepra penale të gjitha firmat e vendosura për djegësin e Tiranës, sepse ai është fakti penal më i tmerrshëm për të cilin SPAK ka lëshuar urdhër-arresti për Arben Ahmetajn, pavarësisht se ai e kishte kundërshtuar këtë procedurë 5 herë. Së fundmi, ai firmosi vetëm pasi ti me firmën tënde dhe vulën e bashkisë, mashtrove për leverdishmërinë e djegësit”, tha Berisha.
Deklaratave të Veliajt në Report Tv, ku theksoi se Bashkia e Tiranës ka qenë korrekte me procedurat dhe kushdo të mbajë përgjegjësi, Berisha thotë se Veliaj është përgjegjësi kryesor.
“Javën e kaluar, unë ju njoftova se Erion Veliaj dhe SKAP-i i partisë, duan ta paraqesin Erion Veliajn si viktimë të ustallarëve në letra, Zoto dhe Mërtiri. Ndaj sot nuk do ndalem në këtë aspekt të deklaratës së tij, por vetëm më pohimin e tij se nëse dikush ka bërë gabime, të mbajë përgjegjësi një për një. Sipas Erion Veliajt, vjedhja e shekullit nuk është krim, por vetëm gabim.
Me këtë rast, i them Erion Veliajt, se përgjegjësi numër një për vjedhjen e shekullit, djegësin e Tiranës, se nuk bëhet fjalë për gabime, por për vepra penale dhe krime të rënda. Ndaj prokuroria speciale që po heton zemërthyer vjedhjen e shekullit prej 3 vitesh, ka lëshuar një numër urdhër-arrestesh. Nuk është gabim, por vetëm krim i Erion Veliajt kalimi me firmën e tij në praktikën me djegien, që është dy herë më e kushtueshme sipas KLSH.
Nuk është gabim, por është krim i Erion Veliajt, zëvendësimi i procedurës së djegësit të Elbasanit dhe Fierit me tender publik, në procedurën me dhënien me koncesion apo PPP, e cila për 30 vite do i paguajë koncesonarit, dmth Erion Veliajt, rreth 1 miliard euro. Nuk është gabim, por vjedhje e krim i Erion Veliajt dhe askujt tjetër, detyrimi antiligjor i bizneseve që pas vitit 2016, që çdo kuintal dhe apo inerte, ta depozitojnë vetëm në Sharrë, dhe vetëm e vetëm që kompania e djegësit të Veliajt të merrte 450 milionë euro nga këto biznese", tha Berisha.
Berisha sulmoi sërish Bashën duke thënë se është peng i kryeministrit Edi Rama, Taulant Ballës dhe Erion Veliajt. Sa i takon zgjedhjeve që do të mbahen në Kukës, Berisha tha se janë ende në diskutim për kandidatin me partitë aleate.
Pas zgjedhjeve të 14 majit, kur aleanca e tyre humbi thellë në zgjedhje, mes Sali Berishës dhe Ilir Metës nuk vihet re e njëjta marrëdhënie e ngushtë që kanë pasur më përpara. Berisha është pyetur ditën e sotme lidhur me zgjedhjet e reja në Bashkinë e Kukësit, të cilat priten të mbahen më 24 shtator.
Berisha tha se ende nuk është vendosur nëse do të marrin pjesë në këto zgjedhje me Partinë e Lirisë. Gjithashtu, janë në diskutim edhe për procedurën të cilën do të ndjekin, a do të zgjidhet kandidati përmes “Primareve” apo jo.
“Me aleatët po diskutohet sapo të vendoet do ju njoftoj”, tha Berisha.
Sali Berisha është pyetur ditën e sotme nëse e njeh Lulzim Bashën si kryetar i PD, duke qenë se në shtator ka paralajmëruar grup të ri parlamentar me deputetët e Rithemelimit. Berisha sulmoi Bashën duke thënë se është peng i kryeministrit Edi Rama, Taulant Ballës dhe Erion Veliajt.
“Lulzim Bashën e njohim si një peng të shpifur të Edi Ramës dhe asgjë më shumë. Të tillë e njohin të gjithë demokratët shqiptarë, të tillë e njeh opinioni publik shqiptar. Nëse ju mendoni se ne pranojmë faktet e kryera nga Edi Rama, u garantoj se gabohet çdo njeri që mendon në këtë mënyrë. Lulzim Basha është një mjeran i keqpërdorur sipas rastit nga Rama-Balla. Ndonjëherë ia japin me qira edhe Erion Veliajt”, tha Berisha.
Komente
Lajme të tjera
-
Gjykata Kushtetuese rrëzon familjarët e ish-zv/kryeministrit Ahmetaj, nuk kthehen pronat e sekuestruara! Zbardhet VENDIMI
25 Dhjetor, 20:20 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56
Dhe 100 here te behen zgjedhje ju nuk mund te fitoni . Aresyeja eshte e thjeshte se populli ka vuahtur nga ju me shume ne keto 32 vjet dhe nuk juu beson.Basha eshte produkt personal i juaji prandaj eshte i destinyar te deshtoje ,jo se Rama eshte me i zoti!Cdo opozite me nje lidrt te ri dhe ekip te pa perlyer me korrupsionin do ta munde Ramen qe neser per gabimet qe vet ai eshte shkaktar per njerezit dhe menyren si e drejtoi ekonomine me PPP dhe koncensionet kriminale.
Përgjigju