POP 5

Lajmet më të lexuara të 5 minutave të fundit

Bota

Berlusconi bëhet 'ylli më i ri' në Tik-Tok, bën fushatë elektorale tek të rinjtë

Në moshën 85-vjeçare, ish-kryeministri i Italisë Silvio Berlusconi i është bashkuar TikTok-ut, duke kërkuar së bashku me liderët e tjerë politikë të Italisë që të tërheqin votuesit më të rinj në moshë, të cilët rrezikojnë të abstenojnë në zgjedhjet e përgjithshme më vonë këtë muaj.

Në moshën 85-vjeçare, ish-kryeministri i Italisë Silvio Berlusconi i është bashkuar TikTok-ut, duke kërkuar së bashku me liderët e tjerë politikë të Italisë që të tërheqin votuesit më të rinj në moshë, të cilët rrezikojnë të abstenojnë në zgjedhjet e përgjithshme më vonë këtë muaj.

"Përshëndetje djema, ja ku jam! Mirë se vini në kanalin tim zyrtar TikTok!", tha ish-kryeministri dhe miliarderi Berlusconi, në videon e tij debutuese në rrjetin e mediave sociale që njihet më shumë për video kërcimesh dhe përdoret kryesisht nga adoleshentët dhe influencierët.

Berlusconi është filmuar në video i ulur pas një tavoline, i veshur me kostum dhe kravatë duke bërë thirrjen e tij kundrejt të rinjve. Që nga e premtja, videoja ka marrë gati 500 mijë “pëlqime”.

Një video e dytë pasoi me shpejtësi, me Berlusconin ende me kostum, por të ulur në një karrige dhe duke treguar një shaka që përfshinte presidentin rus Vladimir Putin, presidentin e SHBA Joe Biden dhe Papa Françeskun.

Të dyja përfunduan me lëvizjen e kokës nga njëra anë në tjetrën në kohë për të thënë lamtumirë "në Tik Tok", një gjest që duket i destinuar për t’u bërë viral. Fushata për zgjedhjet parlamentare në Itali nisi zyrtarisht në fund të korrikut, kur qeveria e kryeministrit Mario Draghi u shemb. Fushata është kryer kryesisht në mediat sociale deri më tani, pasi pjesa më e madhe e vendit po shijojnë pushimet e tyre tradicionale verore në gusht.

Sipas një sondazhi të publikuar muajin e kaluar nga media dixhitale Open Online, vetëm gjysma e italianëve të moshës 18-35 vjeç planifikojnë të votojnë më 25 shtator. Berluskoni po kërkon të kthehet në pushtet pothuajse një dekadë pasi u detyrua të largohet pas një mashtrimi me tatimet.

 

D.GJ/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29