POP 5

Lajmet më të lexuara të 5 minutave të fundit

Politikë

2 marsi i ‘Besëlidhjes së Lezhës’ festë kombëtare, e mbështet dhe opozita! Komisioni i Medias miraton propozimin e deputetit Ndreca

Deputeti socialist ka propozuar që 2 Marsi 1444, kur u themelua Kuvendi i Besëlidhjes së Lezhës, që çmohet të jetë edhe pika e nisjes së krijimit të shtetit shqiptar, të shpallet ditë feste zyrtare

Komisioni për Edukimin dhe Mjetet e Informimit Publik miratoi sot (11 Shtator) projektligjin që propozon shpalljen e 2 Marsit si festë zyrtare.

Ishte deputeti socialist Eduart Ndreca ai i cili ka propozuar që 2 Marsi 1444, kur u themelua Kuvendi i Besëlidhjes së Lezhës, i cili çmohet të jetë pika e nisjes së krijimit të shtetit shqiptar, të shpallet ditë feste zyrtare.

“Me kthimin e 2 Marsit 1444, që përkon me Kuvendin e Besëlidhjes së Lezhës, ne jo vetëm vlerësojmë figurën më madhështore të historisë së kombit tonë, Gjergj Kastrioti, por dhe periudhën më të lavishme të historisë kombëtare dhe brenda kësaj periudhe datën më të rëndësishme të historisë sonë kombëtare, dita ku princat u mblodhën nën drejtimin e Gjergjit të madh dhe vendosën piketat më të rëndësishme që i duhen një kombi në rrezik asgjësimi, për të shpëtuar veten dhe vlerat që ai trashëgon”, tha ai.

Deputeti Ndreca tha se ky propozim do t’i shtojë me tepër rëndësi forcimit të identitetit kombëtar, gjithashtu do të nxisë dhe studiuesit e fushës së historisë shqiptare dhe të huaj, për të vijuar me hulumtime të mëtejshme në lidhje me këtë ngjarje të epokës së Gjergj Kastriot Skënderbeut.

Nga viti i ardhshëm 2 marsi do të jetë një ditë pushimi, por qëllimi i propozuesit është të përdoret kjo datë për aktivitete ndërgjegjësuese mbarëkombëtare.

“S’kemi lënë ditë pa bërë pushim, të mos kemi këtë nuk shkon.  Jo një ditë pushimi më shumë, po vetdije për ditën më të madhe të bashkimit. Për të nxitur aktivitete kulturore përtej Lezhës, por në të gjitha trojet shqiptare”.  

Iniciativa u mbështet nga opozita.

“Ju përgëzoj. Ne nuk jemi nga ata që e ngatërrojmë Skënderbeun me Edi Ramë” tha Ina Zhupa. 

Ndreca tha se do t’ju kërkojë edhe kolegëve të tij në Kosovë që edhe atje 2 marsi të jetë festë zyrtare.

A.Q/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/09/2024 01:18

    Po pse pak festa kombetare keni,nuk u ngopet?! Te pakten te mos jete dite pushimi,por te jete si 7-8 Marsi!

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57