POP 5

Lajmet më të lexuara të 5 minutave të fundit

Sport

Besiktas zyrtarizon Ernest Muçin, zbulohet shifra dhe paga e 22-vjeçarit! Feston edhe Tirana

Besiktas ka njoftuar se ka arritur marrëveshjen për transferimin e sulmuesit të Kombëtares.

Ernest Muçi është lojtari i ri i klubit të Beshiktash. Në ditën e fundit të merkatos në Turqi, klubi nga Stambolli vendosi të kënaqë kërkesat e Legias së Varshavës që kërkonte 10 milionë euro për 22-vjeçarin. Vetë Muçi, sipas mediave në Turqi, do fitojë 1.8 milionë euro në sezon te Beshiktash, ndërkohë që do firmosë një kontratë për 3 vite e gjysmë.

Nga ky transferim përfiton edhe Tirana 1 milionë euro, pasi në 2021 kur e shiti te Legia mbajti 10% të kartonit të futbollistit. Në fillim Muçi e pati të vështirë përshtatjen në Poloni, por sidomos sezonin e fundit shpërtheu me gola dhe asist, duke luajtur si anësor.

Rendit zhvillimet sipas orarit:
Ora 14:53
‘Pak janë si Muçi’, Cungu në Report Tv për transferimin e sulmuesit: Pas Besiktas e pret Seria A ose Premier League

 

Muçi me kalimin te Besiktas është bërë lojtari i tretë më I shtrenjtë shqiptar në merkato pas Marash Kumbullës dhe Kristjan Asllanit.

“Një lojtar të cilit cilësitë nuk i kanë munguar asnjëherë të vetme. Hap pas hapi është nga lojtarët e pakët që është larguar nga kampionati shqiptar dhe ka treguar veten. Madje duke u ngjitur më lart në karrierën e tij sepse po shohim shumë lojtarë që largohen dhe kthehen pas 6 muajve. Muçi ka treguar një nivel tjetër, ka treguar vendosmëri tjetër, seriozitet tjetër dhe këmbëngulje tjetër. Jam i bindur se do bëjë shumë mirë te Besiktasi dhe shumë shpejt ta shohim të një kampionat tjetër si Seria A ndonëse ideale do ishte në Premier League,”-u shpreh Armando Cungu për Report TV.

Ne.k./Shqiptarja.com

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51