POP 5

Lajmet më të lexuara të 5 minutave të fundit

Kronikë

Besimi i verbër i koncensionarit se siguria në Rinas është OK, si u injorua paralajmërimi i Policisë para grabitjes

Vetëm një vit para grabitjes së 10 milionë eurove, Policiai  kishte vënë në dukje Koncesionarit të Rinasit se kishte probleme me sigurinë. Report Tv siguron letrën, kur nga ana e autoriteteve të Aeroportit refuzohet konstatimi i policisë dhe i kërkohet që të bëjë kujdes me etiketimet. Policia ngriti shqetësimin për portat nga ku hyjnë grabitësit. TIA-Policisë: Mos ndërhyni në punë që nuk ju takojnë. Etiketimi juaj për mungesë sigurie i papërshtatshëm

30 qershori i vitit 2016 do të nxirrte në pah për herë të parë se siguria në Rinas mund të cënohej edhe nga një palë pinca.

Futja e Aleks Pepës duke këputur zinxhirin dhe duke u futur në pistë nga ku grabiti miliona euro nuk do të ishte i vetmi rast që herë pas herë mes policisë e TIA-s të kishte përplasje për kushtet e sigurisë në aeroport.

ReportTv ka siguruar letërkëmbimin e kreut të policisë të Rinasit, Përparim Dema me TIA-n, ku ai ngre shqetësimin se në portat e emergjencës, nga ku hynë e dolën edhe grupi i Admir Murataj, nuk ka siguri.

Sipas dokumentacionin të cilin ReporTv disponon Dema shkruan: “më 09.09.2017 shtetasi Eduart Gega ka mundur të çajë rrethimin duke prerë rrejtën me një palë pinca duke u futur në pistën për afro 150 m”.

Nga këqyrja e pamjeve filmike - shkruan policia e Rinasit - duket mungesa e ndriçimit artificial në zonë ku pista kufizohet me Komandën e Forcave Ajrore. "Nga veprimet në tërësi na rezulton; se përveç ndriçimit artificial mungojnë sensorët e rrjetës së telit në perimetrin rrethues të pistës”.

Po ky komunikim ripërsëritet në Maj 2018 përkatësisht më 7 Maj ku policia e Rinasit thotë “në portat që janë në gardhin rrethues dhe konkretisht në portën në krahun verior dhe në portën në krahun jugor të gardhit rrethues masat e sigurisë janë po ato të njëjtat dhe nuk është marrë ndonjë masë shtesë.

Për sa më sipër kërkojmë nga ju marrjen e masave të menjëhershme me qëllimin eliminimin e mangësive të konstatuara.

Këtyre shqetësimeve të policisë Rinas, TIA u përgjigjet më 11 Maj 2018 me anë të kësaj shkrese “për qartësinë tuaj, aktiviteti dhe masat e ndërmarra nga TIA, nëpërmjet nëkontraktorit të saj për ofrimin e sigurisë së aviacionit në aeroport janë lehtësisht të dallueshme nga masat dhe përgjegjësit për ruajtien e sigurisë publike”.  "Megjithatë përsa i përket çështjeve të cilat lidhen me masat e sigurisë ta zbatuara në aeroport Komisariati i Policisë së Rinasit duhet të adresojë komunikimet përkatëse drejtpërdrejtë tek autoriteti i aviacionit civile”.

Këto shkresa tashmë janë sekuestruar dhe janë pjesë e grupit hetimor në Prokurorinë e Krimeve të Rënda aty ku pritet që të thirren për deklarime edhe personat që kishin tagrin për të shtuar masat e sigurisë që për të tretën herë u cënuan në Rinas

Pikërisht në atë portë që Policia denoncoi si me probleme, u përdor nga grabitësit për të marrë 10 milionë euro teksa po ngarkoheshin në avion më 9 prill.

 

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem gahinji: 15/04/2019 14:41

    Mbeshtes mendimin e redit

    Përgjigju
  • redi: 15/04/2019 14:26

    Duke pasur parasysh sygjerimet e Policise se shtetit dhe neglizhencen e koncensionarit dhe perserutja e vjedhjeve te parave ne banka , i lind e drejta bankave dhe shtetit shqiptar ,te padis koncensionarin dhe gjithashtu te shihet dhe kontrata korruptive qe ka firmos hajduti Nano me TIA- n

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dimri i vertetë ka mbërritur! Orteqet e borës izolojnë Iballën në Fushë-Arrëz! Banorët përballen me vëshitërsi në Shishtavec të Kukësit dhe Theth të Shkodrës

Dimri i vertetë ka mbërritur! Orteqet e borës izolojnë Iballën në Fushë-Arrëz! Banorët përballen me vëshitërsi në Shishtavec të Kukësit dhe Theth të Shkodrës

26 Dhjetor, 15:43 nga Ergys Kavaja