Qamil Muça, është 69 vjeç dhe thotë se që kur kuptoi se i përket besimit Bektashian, ka festuar Ditën e Ashures, si dhe ka mbajtur agjerim dhjetë ditë para festës. Emocionet i shfaqen në sy, teksa kujton martirizimin e Imam Husejnit, i cili u vra së bashku me një numër të madh besimtarësh të tjerë në shkretëtirën e Qerbelasë, 1400 vite më parë.
“Festa e Ashures bëhet pas 10 ditëve të zisë për Imam Hysenin që ra dëshmor në Fushën e Qerbelasë. Është shumë prekëse për atë që e ndjen. Hashurja bëhet me grur dhe 12 lloje barnash, apo bereqeteshe. Unë e festoj që kur kam ra në mend të miat. Kur fillon hëna Muharrem mbajmë 10 ditshin e zisë. Duket i vështirë por ne na lehtëzon zoti. Nuk pimë ujë për 10 ditë. Përvecc ndonjë lëngu. Nuk hamë as bylmetra, as mishëra. Vetëm barishte. Kujtime dhe mbresa kam shumë, por unë mbaj mend kur kam qen fëmijë i vogël babai na ngarkonte në gomar dhe na cconte në Teqe për të festuar ditën e Ashure”.
Dita e Ashures konsiderohet si një nga festat më të rëndësishme të kalendarit fetar të bektashinjve. gjatë ceremonisë për kremtimin e kësaj feste kryegjyshi Botëror i Bektashinjve, Haxhi Dede Edmond Brahimaj, bëri thirrje për më shumë mirësi, paqe dhe dashuri mes njerëzve. Ai bëri apel besimtarëve që në këto kohëra të vështira, të bëjnë më shumë vepra të mira.
“I lutemi zotit që të kemi sa më shumë paqe, dashuri, mirësi. Dhe kjo ëmbëlsirë, i ëmbëlsoftë të gjithë njerëzit dhe ju dhëntë energji pozitive për të përballuar vështirësitë e kësaj bote”, uroi Baba Mondi.
Nuk munguan edhe në Ditën e Ashures urimet e politikanëve, ku Kryegjyshata Botërore e Bektashinjve, u vizitua nga Kryebashkiaku i Tiranës, Erion Veliaj dhe Kryetari i Partisë së Lirë, Ilir Meta.
“Dua të ju uroj besimtarëve gëzuar festën e ashures që na kujton sakrificën e 72 martirëve dhe na tregon që njerëzit për gjërat që besojnë dhe që janë të vlefshme, sakrifikojnë”, tha Veliaj.
“Është një ditë që i fton të gjithë, për të respektuar dallimet nëpërmjet njëri-tjetrit”, tha Meta.
‘Dita e Ashures’ e ka origjinën nga fjala arabe "ashr", që do të thotë dhjetë dhe përkon me ditën e dhjetë të muajit Muharrem, një ditë ku bëhet ëmbëlsira e ashures, simbol i bereqetit, shpërndarjes, unitetit. Sipas besimit islam, në këtë ditë janë përjetuar shumë ngjarje të rëndësishme që lidhen me jetën e profetëve.
Lajme të tjera
-
Shteti bektashi në letër' Baba Mondi: Kur të ketë diçka të re ju njoftojmë! Në Mallakastër vihet shtatorja e Baba Haxhi Saliaj
25 Tetor, 14:25 -
Ruhet me truproja/ Baba Mondi intervistë për ‘Jerusalem Post’: Gati për shtetin Bektashi, të mos humbet kohë! E quaj veten vëlla të popullit të Izraelit!
13 Tetor, 16:13 -
Dritan Hila: Lëreni Iranin, Turqinë dhe Arabinë Saudite t’i hajë meraku, një sqarim për meraklinjtë e unitetit fetar të shqiptarëve
26 Shtator, 10:58
-
Iniciativa për sovranitetin e Urdhrit Bektashi, Kryegjyshata: Do të fitojë sovranitet të ngjashëm me Vatikanin! Moment historik për tolerancën fetare
22 Shtator, 18:39 -
Nuk do të pinë 10 ditë ujë, besimtarët bektashinj nisin 'matemin'
7 Korrik, 14:02 -
Qeveria cakton 1 milionë euro për komunitetet fetare! Subvencionohet gjysma e pagës minimale të punonjësve buxhetorë
24 Maj 2023, 16:19 -
Veliaj: Kemi ndërtuar 40 shkolla të reja në Tiranë, 12 i hapim këtë vit shkollor! Rekord që i jep fund mësimit me dy turne
9 Gusht 2022, 15:32 -
Besimtarët bektashinj kremtojnë Ditën e Ashures, Kryegjyshi Edmond Brahimaj: Të hapim zemrat tona e të jetojmë në paqe
9 Gusht 2022, 11:26 -
Nuk do të pinë 10 ditë ujë, besimtarët bektashinj nisën sot “matemin”
29 Korrik 2022, 14:55 -
INVESTIGIMI/ Dyshime për pastrim parash: Spitali me humbje i Elvis Naçit blihet nga Kryegjyshata bektashiane për një shumë të majme
8 Tetor 2021, 19:26 -
Dita e Ashures, Baba Mondi uron besimtarët bektashinj: Në këto kohë të vështira, të hapim zemrat tona e të jetojmë në paqe
19 Gusht 2021, 11:45 -
Ruçi uron besimtarët bektashinj me rastin e Ditës së Ashures: Një kumt miqësie, solidariteti e paqeje
19 Gusht 2021, 10:17
