Arjana Fetahu Gaba është poetja shqiptare të cilën në atdheun e saj e riktheu promovimi i librit të dytë ‘ Sa do të doja’. Prej më shumë se 25 vitesh ajo jeton në Neë Yersey, Amerikë ku ka krijuar jetën e saj. Në një bashkëbisedim me moderatoren Androniki Kolka në emisionin “Rreze Dielli, ajo u ndal në një episod vërtetë të dhimbshëm të jetës së saj, betejën me kanceri e gjirit. Një luftë aspak e lehtë por që tashmë mbetet në të kaluarën për të. Arjana nëpërmjet historisë së saj kërkon të frymëzojë dhe të sensibilizojë edhe zonjat e vajzat e tjera për të bërë kontrollohet e duhura.
“Ishte një betejë e gjatë por asnjëherë në mendjen time nuk kam menduar që nuk do jetoja më. Më dukej si një grip I gjatë dhe nëna ime madje një natë para operacionit kur unë vura muzikë të dëgjoja dhe mora nënën të kërceja, ajo I mbushte sytë me lot dhe I fshinte që mos I shihja, thoshte ku e gjen kurajon Arjana, si ka mundësi që ti nesër do shkosh të bësh operacionin dhe ku e gjen atë kurajo? Dhe unë as vet nuk e di sepse pas gjithë gjërave që kalova, pas ndihmës së mjekëve në Amerikë, gjithmonë kam qenë e fortë dhe kam thënë ‘ unë zotit i duhem këtu’ kjo ka qenë shtysa.” rrëfeu ajo.
Një vizitë e rastësishme tek mjeku i shpëtoi jetën Arjanës, e cila asokohe ishte vetëm 28-vjeçe dhe nënë e dy djemve në moshë fare të vogël.
Unë e kapa thjesht rastëssiht, vajta për një vizitë tjetër, kontroll, unë e kisha ndjerë që e kisha por s’më kishte shkuar mendja sepse mendoja thjesht gjendrat e gjirit sic kemi ushqyer fëmijët me gji. Unë I kisha bërë dy lindje, I kisha dy djemtë e parë dhe nuk e kisha menduar. Në një vizitë doktori më tha që shikoj dicka, kontrolloje dhe aty filloi gjithcka. kur doktori më tha ti ke një tumor në krahun e djathtë dhe do bëjmë një operacion fillimisht dhe pastaj kimioterapi, pastaj rrezet sepse unë isha shumë e re vetëm 29 –vjece kur e mora vesh dhe ne nuk e kishim të trashëguar dhe kur më tha doktori që do bësh këto, u mërzita, prindërit e përjetuan më keq. Kam qarë kur më tha doktori që do të bien flokët, nuk e kam përmbajtur dot veten, sepse I ksiha flokët e gjata. Ajo ishte më shumë për mua se, më mposhti më shumë, dhe kur mundohesha të mbuloja kokën me paruke, im shoq më thoshte hiqe, ishte mbështetje e madhe” u shpreh poetja shqiptare për ‘Rreze Dielli’ .
Familja ka qenë mbështetja e saj më e madhe në këtë rrugëtim të vështirë me sëmundjen ndërsa ndër të tjera ajo në kuadër të muajit ndërkombëtar të ndërgjegjësimit kundër kancerit të gjirit, të quajtur 'Tetori Rozë' dëshiron të sensibilizojë vajzat dhe gratë për të ndjekur kontrollet e duhura dhe mos t’i neglizhojnë ato.
Në raste të tilla është familja ajo që të jep mbështetjen më të madhe, familja, nëna, babi, në rasti tim edhe prindërit e tim shoqi dhe mbështetja e madhe fare është bashkëshorti im që më ka ndenjur hap pas hapi, fëmijët e mi. Por vetëm dua të them një dicka që të gjitha gratë, kush janë që na dëgjojnë, nënat, gratë vajzat duhet të bëjnë kontrollet” përfundoi poetja Arjana Fetahu.
Lajme të tjera
-
Nëntë deputete të PD firmosin amendament për buxhetin e 2025: Të rimbursohet rikonstruksioni i gjirit dhe paruket për gratë me tumor
11 Nëntor, 13:44 -
Kanceri i gjirit: 1,5 milionë gra mund të shpëtonin çdo vit
8 Nëntor, 22:19 -
Mbyllja e fushatës ndërgjegjësuese të kancerit të gjirit, Koçiu: Lehtësojmë depistimin për gratë, çdo muaj një tetor rozë në çdo qytet pa sistem referimi
2 Nëntor, 13:46 -
Nga spinaqi te hudhrat, ushqimet që ndihmojnë në reduktimin e rrezikut të kancerit të gjirit
1 Nëntor, 15:58 -
'Fëmijët vetëm qanin!' Beteja e vështirë e infermieres nga Këlcyra me kancerin e gjirit: Unë jam shumë e fortë!
27 Tetor, 14:24
-
Studimi: Frutat e thata mund të jenë çelësi për të ndalur përhapjen e kancerit të gjirit
27 Tetor, 13:02 -
Tetori rozë/ 55-vjeçarja rrëfen betejën me kancerin e gjirit: Më doli gjëndër në gjoks, s’e dija çfarë ishte! Mjekët: Bëni eko dhe mamografi çdo vit
20 Tetor, 16:00
-
Nga mënyra e jetesës te lindjet e vona, cilat janë shkaqet e kancerit të gjirit? Onkologu Nina për Report Tv: Spitalet publike të ofrojnë testin gjenetik
19 Tetor, 16:21
-
Mamografi për gratë e FA-së, Koçiu: Njësitë e lëvizshme kontrolle falas gjatë gjithë vitit
19 Tetor, 11:43 -
Tetori rozë, aktivitet sensibilizues në qendër të Elbasanit, mjekja Onkologe: Kontrolle më të shpeshta! Bëni mamografinë
18 Tetor, 18:27
-
'Pata dobësi, më çuan urgjent në Tiranë!' Rrëfimi i gruas në Lezhë dhe apeli i mjekes: Mos neglizhoni kontrollet për kancerin e gjirit
14 Tetor, 17:04
-
Fier dhe Korçë/ Kanceri i gjirit ka prekur më shumë gra në 2024-ën! Kujdes me duhanin, kontraceptivët! Mjekja: Në fazë të avancuar s’ka shërim
12 Tetor, 11:48
