POP 5

Lajmet më të lexuara të 5 minutave të fundit

Politikë

Beteja për një mandat në Tiranë
krahas PDIU ankohet edhe PS

"Këtë të martë ka përfunduar afati zyrtar i regjistrimit të ankesave në KQZ për zgjedhjet e 25 qershorit",ishte kjo deklarata që dha kreu i KQZ, Klement Zguri në një dalje për mediat.  VIDEO
Nga kjo e martë subjektet politike nuk do të mund të konstestojnë dhe ankimojnë më rezultatet e zgjedhjeve të 25 qershorit, ishte kjo deklarata që dha në një dalje për mediat kreu i KQZ Klement Zguri.
 
Zguri bëri me dije se krahas PDIU, PD dhe PS kanë kontestuar disa nga tabelat përmbledhëse.

Konkretisht PDIU ka kontestuar tabelën përmbledhëse për Qarkun Tiranë.

Ndërkohë që KQZ-ja ka vendosur që nesër paradite të shqyrtojë kërkesën e PDIU-së si dhe atë të PS-së. Relator i çështjes së ankimimit të PS, goglat kanë shortuar nënkryetarin e KQZ, Denar Biba. 

PD ka kontestuar tabelën përmbledhëse për qarkun Berat, ndërsa PS ka dyshime për tabelën përmbledhëse për qarkun e Tiranës.

“PDIU e ka kontestuar tabelën përmbledhëse të rezultatit për qarkun Tiranë, PD për qarkun Berat dhe PS tabelën përmbledhëse të qarkut Tiranë. Tabelat për qarqet e tjera nuk mund të kontestohen më. Asnjë kërkesë nuk mund të depozitohet më për pavlefshmëri”, tha Zguri në konferencë për shtyp.

Kreu i KQZ, Klement Zguri tha se tashmë është koha që Task Force e qeverisë e ngritur për monitorimin e zgjedhjeve të bëjë publike rezultatin e punës së tyre.

Gjithashtu ai ka kërkuar nga organet e hetimit të përfundojnë sa më shpejt hetimet për regjistrimin e çështjeve hetimore që kanë bërë për zgjedhjet.
 
 Ai kërkoi që këto organizma të bëjnë publike punën e tyre.
 
Kërkesa e PS, relator Denar Biba
Partia Socialiste ka ankimuar tabelën përfundimtare të rezultatit të qarkut të Tiranës, duke ngritur dyshime për shifrat zyrtare të reflektuara në KQZ. 

Shorti i hedhur sot në KQZ, zgjodhi Denar Bibën relator të çështjes ku do të shqyrtohet ankimimi i PS. Kërkesa e PS do shqyrtohet nesër nga KQZ.

Redaksia Online
e.m/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rama inspekton fushën sportive në shkollën ‘Adem Haxhija’ në Postribë! Manastirliu: 6 milionë euro për investimet në Shkodër

Rama inspekton fushën sportive në shkollën ‘Adem Haxhija’ në Postribë! Manastirliu: 6 milionë euro për investimet në Shkodër

10 Janar, 17:15