Për herë të parë Italia ka në krye të qeverisë një grua dhe njëkohësisht një ekstremiste të djathtë. Kryetarja e partisë "Vëllezërit e Italisë", Giorgia Meloni dhe qeveria e saj e koalicionit të djathtë është betuar të shtunën përpara presidentit të Italisë Sergio Mattarella. Ceremonia nisi në orën 10:00, ndërsa ministrat e qeverisë dhe familjarët e tyre u shfaqën në pallatin presidencial, duke nisur nga ora 09:00 e mëngjesit. Ministrat e parë që u shfaqën ishin ministrat Roberto Calderoli dhe Raffaele Fitto.
E para që vuri dorën mbi kushtetë për të kryer betimin e saj ishte kryeministrja Giorgia Melloni, ndërsa pas saj, para Matarellas u betuan dy zv.kryeministrat, të cilët do të mbajnë dhe detyrën e ministrit të Infrastrukturës dhe Financave, Matteo Salvini dhe Antonio Tajani.
"Betohem! Do kryej detyrën me devotshmëri dhe në interes të vendit tim. Do zbatoj ligjin!", tha Meloni.
![]()
Të dielën do të kryhet dorëzimi i detyrës nga kryeministri, Mario Dragji tek Giorgia Meloni. Hapi i fundit drejt marrjes së së detyrës është të martën, ku qeveria e koalicionit të djathtë, që mori shumicën e votave në zgjedhjet e zhvilluara një muaj më parë pritet që të votëbesohet në Parlamentin e Italisë dhe më pas të nisi menjëherë punën. Për herë të parë Italia ka në krye të qeverisë një grua, e cila do të udhëheq për katër vite qeverinë italiane falë koalicionit me ish-kryeministri Silvio Berlusconi i Forza Italia dhe Matteo Salvini nga Lega.
Ministër i Jashtëm dhe zëvendëskryeministër do të jetë euro-politikani Antonio Tajani nga partia konservatore Forza Italia (FI). Ministër i Ekonomisë do të jetë Giancarlo Giorgetti nga partia e së djathtës nacoinale Lega. Giorgetti ishte gjithashtu edhe në qeverinë e paraardhësit të Melonit, Mario Draghi. Giorgetti konsiderohet si i moderuar dhe përfaqësues pro europian i Legas. Kryetari i Legas Matteo Salvini do të jetë ministër i Infrastrukturës dhe zëvendëskryeministër ashtu si edhe Tajani.
Meloni u urua nga ndërkombëtarët për detyrën e re, ndërsa një urim mori edhe nga kryeministri i Shqipërisë Edi Rama.
Qeveria Meloni
Betimi i Gorigia Melonit para Presidentit Sergio Mattarella
Kryeministrja e Italisë, Giorgia Meloni, ka falënderuar për urimet Presidentin amerikan Biden dhe atë ukrainas Zelensky.
“Falënderoj Presidentin e Shteteve të Bashkuara Joe Biden për urimet e tij. Shtetet e Bashkuara dhe Italia janë të bashkuara nga një miqësi e thellë dhe një partneritet transatlantik, i bazuar në vlerat e përbashkëta. Mezi pres t'i forcoj më tej, duke luftuar së bashku për lirinë dhe sigurinë ndërkombëtare”, ka thënë Meloni.
“Italia është dhe do të jetë gjithmonë në anën e popullit të guximshëm ukrainas që po lufton për lirinë e tyre dhe për një paqe të drejtë. Ti nuk je vetëm!". Kështu Kryeministri Giorgia Meloni e shkruan në Tëitter duke iu përgjigjur presidentit ukrainas Volodymyr Zelensky dhe duke e falënderuar atë.
Presidenti ukrainas Volodymyr Zelensky dhe president i SHBA-ve, Joe Biden kanë uruar kryeministren e Italisë Giorgia Meloni.
"Urime për Giorgia Meloni , gruan e parë Presidente të Këshillit të Italisë. Uroj që qeveria e re t'i përgjigjet me sukses të gjithëve. Sfidat e sotme. Pres bashkëpunim të vazhdueshëm të frytshëm për të siguruar paqen dhe prosperitetin në Ukrainë, në Itali dhe në botë!”, shkruan Zelensky.
“Italia është një aleate jetike e NATO-s dhe një partner i ngushtë, ndërsa kombet tona përballen së bashku me sfidat e përbashkëta. Mezi presim të vazhdojmë të punojmë për të avancuar mbështetjen tonë për Ukrainën, të kërkojmë që Rusia të llogarisë përgjegjësinë e saj për agresionet e saj, të sigurojë respektimin e të drejtave të njeriut dhe vlerave demokratike", shkruan Biden.
Kryeministri hungarez ka uruar Giorgia Melnon për postin si kryeministre.
"Urime Giorgia Meloni për formimin e qeverisë suaj! Ditë e madhe për të djathtën evropiane”, shkruan Orban.
Presidentja e Komisionit Europain Ursula von der Leyen dhe Presidenti i Këshillit Evropian, Charles Michel janë të parët që kanë uruar Giorgia Melonin për postin e kryeministres.
“Urime për Giorgia Meloni për emërimin si kryeministre italiane, gruaja e parë që mban këtë post. Pres bashkëpunim konstruktiv me qeverinë e re për sfidat me të cilat përballemi së bashku”, shkruan Von der Leyen.
"Urime Giorgia Meloni që merr postin e kryeministres së parë femër të Italisë. Le të punojmë së bashku për të mirën e Italisë dhe BE-së. Ju pres në Këshillin Europian për të punuar së bashku për të mirën e Bashkimit Europian”, shkruan Michel.
Xhaketë e zezë, bluzë e zezë, pantallona të zeza, totalisht në të zeza. Kjo ishte veshja që zgjodhi Giorgia Meloni për t’u betuar përpara presidentit Sergio Mattarella.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Biden dhe zelensky duan paqe duke mos pranuar bisedime dhe duke kerkuar arme sa me shume se doemos do te shesi bideja
Përgjigju