POP 5

Lajmet më të lexuara të 5 minutave të fundit

Ekonomi

Bie ndjeshëm konsumi i kafesë e karburanteve, në rritje importi i cigareve

Në dy muajt e parë të kjëtij viti, importi i karburanteve dhe kafes ka pësuar ulje të ndjeshme, ndryshe nga Birra dhe cigareja. Sipas raportit financiar të Ministrisë së Financave, është ulur edhe konsumi në tërësi

Importet e karburantit dhe kafesë në dy muajt e parë të vitit 2023, kanë pësuar rënie, krahasuar me të njëjtën periudhë të vitit 2022. Por ndryshe ka ndodhur me birrën dhe cigaret, që sipas raporti të publikuar nga Ministria e Financave dhe Ekonomisë po konsumohen gjithnjë e më shumë.

Siç edhe shihet nga tabela, për periudhën janar-shkurt të këtij viti u importuan 82 mijë ton karburante, me një rënie prej 6.5% në krahasim me të njëjtën periudhë të vitit të kaluar. Edhe importi i kafesë po shënon ulje. Për dy mujorin e parë të vitit, u importuan në vendin tonë rreth 1 mijë ton, me një tkurrje prej 28.5% në krahasim me të njëjtën periudhë të vitit të kaluar. Por në ndryshim nga kafeja dhe karburanti, importi i Birrës dhe cigares është rritur. Rritja e akcizës për birrë, në ndryshimin e ligjit për taksat vjetore, ka nxitur rritjen e importit të birrës, duke e zëvendësuar me atë vendase.

Importet e birrës arritën në mbi 5 milionë litra, me zgjerim prej 56% me bazë vjetore. Në rritje janë dhe importet e cigares, që u zgjeruan me 26% për dy mujorin, në 544 ton. Kulmin importi i duhanit e pati në janar, ndërsa në shkurt blerjet e duhanit nga importuesit ishte pothuajse në të njëjtin nivel me një vit më parë. Viti i ri kalendarik ka shënuar dhe ulje të konsumit në tërësi. 

Rënia e konsumit në vend ka prekur të ardhurat që mblidhen nga tatimi mbi vlerën e shtuar, që është një taksë direkte mbi konsumin dhe paguhet në çdo blerje nga konsumatorët. Në muajin shkurt arkëtimet nga TVSH-ja arritën në 13.5 miliardë lekë, me rënie prej 6.7% me bazë vjetore. Sipas të dhënave të detajuara, tkurrja ka ardhur si nga tatimet ashtu dhe nga doganat.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 17/04/2023 13:43

    Nuk dalim neper kafe prej Luizit or teeeejjjjj

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35