Leonard Olli, kryetari i grupimit të djathtë në Këshillin Bashkiak të Tiranës ka paralajmëruar protesta nëse bashkia e Tiranës dhe Qeveria do të fusin duart në xhepat e qytetarëve, për rritjen e çmimit të biletës së transportit publik.

“Nëse dikush guxon të fusë duart në xhepat e qytetarëve ne do të pengojmë çdo veprim të tillë që rëndon qyetarët” tha ai.

Sipas Ollit, qeveria dhe bashkia kanë në duart e tyre mjaft instrumenta për ta zgjidhur problemin e dalë nga Shoqata e Transportit Publik që kërkon rritjen e çmimit të biletës.

“ Të mendosh ti japëshzgjidhje duke futur dorën në xhepat e qytetarëve është i papranueshëm. Ne kërkojmë që bashkia dhe qeveria të gjejnë forma alternative që të zgjidhin problemin, por jo duke futur duart në xhepat e qyatërëve” shtoi ai.

Ai shton se qeveria duhet të ndërhyrjë në çmimin e karburantit, taksimit të diferencuar ndaj kompanive ose ndonjë mënyre tjetër, por në asnjë mënyrë nuk duhet të ketë ndryshim të çmimit aktual të biletave.

Olli ka thënë se këshilltarët e djathtë ofrojmë paketa sesi mund të zgjidhet problemi, pasi sipas tij, ata kanë patur shqetësime nga banorë të cilët janë përdorues të linjave urbane duke qenë se janë 200 mijë banorë që përdorin transportin urban.

Biletat, nga 1 Janari jemi gati të dorëzjmë liçencat

Kërcënimi i operatorëve të shërbimit urban vazhdon.

I ftuar në studion e Rreze Dielli Ervin shijaku proanri i Shega Trans e linjës së Kombinatit ka thënë se nëse nuk plotësohet kërkesa për rritje çmimi deri në 70 lekë, në 1 janar kompanitë janë gati të dorëzojnë licensat.

Sipas Shijakut çdo çmim tjetër i shërbimeve ka ndryshuar ndërsa për biletën nuk është bërë indeksimi i biletës që prej 2008.

Më herët kreu i bashkisë së Tiranës Erion Veliaj dhe nënkryetari Arbian Mazniku refuzuan kategorikisht kërkesën e operatorëve.



Redaksia Online
(F.T/shqiptarja.com)