POP 5

Lajmet më të lexuara të 5 minutave të fundit

Kronikë

Bino në Report Tv: Kemi 2 raste të infektuar për herë të dytë me COVID! Reanimacion është thuajse plot, tregoni kujdes

Shefja e Epidemiologjisë në ISHP, Silva Bino tha se në vendin tonë janë dy raste të konfirmuara që COVID-19 i ka prekur për herë të dytë. Bino u shpreh se është shtuar numri i të shtruarve dhe të pacientëve me simptoma të rënda, ndërsa shërbimi i reanimacionit është thuajse plot. Ajo foli edhe për efektshmërinë e maskës prej cope, ku tha se ajo ka efekt dhe se duhet të përdoret.

Shefja e Epidemiologjisë në ISHP, Silva Bino tha se në vendin tonë janë dy raste të konfirmuara që COVID-19 i ka prekur për herë të dytë. Në një lidhje Skype në emisionin "Repolitix" në Report Tv, Bino tha se të dy rasteve sëmundja i është rikthyer pas tre muajsh dhe infektimi ka qenë thuajse njësoj si më të parën dhe që të dy rastet nuk paraqiteshin në rastet e rënda.

Kjo tha Bino ndodh pasi dihet se koronavuriset nuk lënë një imunitet afatgjatë dhe për këtë prekja për herë të dytë nuk është një rast i rrallë dhe prandaj njerëzit duhet të mbrohen.

"Në Shqipëri kemi pasur dy raste që edhe pse ishin prekur janë infektuar sërish për herë të dytë. Ai që është prekur njëherë nuk është plotësisht imun. Koronaviruset lënë një imunitet afatshkurtër dhe jo të gjatë.  Infektimi i tyre i dytë ndodhi pas  3 muajsh u është rikthyer sërish koronavirusi. Të dy rastet thuajse ishin në të njëjtën gjendje si më parë dhe nuk ishin në format e rënda të sëmundjes", tha Bino.

Për shtimin e numrit të rasteve të të infektuarve, Bino u shpreh se është shtuar numri i të shtruarve dhe të pacientëve me simptoma të rënda, ndërsa shërbimi i reanimacionit është thuajse plot. Ajo foli edhe për efektshmërinë e maskës prej cope, ku tha se ajo ka efekt dhe se duhet të përdoret.

"Kemi raste të rëndë në shërbimin e Reanimacionit ku pothuajse është i mbushur. Kemi dy spitale në funksion dhe kemi rritje të shtrimit dhe të rasteve të rënda. Jo efiçenca e maskës prej cope nuk është zero, është i rëndësishëm përdorimi i saj në publik. Kjo maskë të mbron', tha Bino.

Ndalimi i lokaleve të natës për Binon ishte e domosdoshme, ndërsa hapja e pishinave ajo tha se e sheh me skepticizëm por që është një pikë që ka shumë diskutime.

"Ndalimi i lokaleve të natës me mbylljen e tyre mund të ulin numrin e të infektuarve, sidomos të mjedise ku përdorin alkool me shumicë dhe grumbullojnë njerëz. Pishinat përbëjnë rrezik por duhet të ruhen të gjitha rregullat, janë vende ku grumbullohen njerëzit, unë nuk kam qenë shumë dakord për hapjen e  tyre. Aty ku nuk ruhet distanca ekziston rreziku i përhapjes së virusit," tha Bino.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • www.youngtribune.com: 30/07/2020 06:48

    Si e thot vet Ed Rama " What the fuck "

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57