TIRANË- Nuk kishte shkuar akoma ora 8 e mëngjesit, por para Qendrës Kombëtare të Biznesit ditën e djeshme kishte më shumë se 20 persona që prisnin në radhë. Disa prej tyre kishin ardhur që në orën 6.30. Të gjithë kanë të njëjtin shqetësim. Duhet të saktësojnë kodin e aktivitetit, pasi po hasen si me refuzimin e ndihmës ekonomike, ashtu dhe probleme me E-Albania për të marrë lejen për të ushtruar aktivitetin.
Shumë biznese u ndodhën dhe para paradoksit, ku nga njëra anë po u refuzohej ndihma si për paketën e parë ashtu dhe për të dytën dhe nga ana tjetër sistemi që menaxhohet nga E-Albania nuk u jepte leje të punonin. Të tjerë nuk përfituan nga paketa e parë, ndonëse ishin në listën e aktiviteteve të mbyllura, por në të dytën dhe si rrjedhoje përfitojnë pagesë 40 mijë lekë një herë dhe jo 26 mijë lekë për tre muaj, pra rreth 50% më pak.
Pas këtij problemi, Drejtoria e Përgjithshme e Tatimeve i ftoi të gjithë tatimpaguesit, të cilët si arsye për refuzim të aplikimit për ndihmë financiare kanë mospërputhjen e Kodit të aktivitetit me përshkrimin e aktivitetit, apo me llojin e veprimtarisë që ata realisht ushtrojnë, se duhet të përditësojnë të dhënat e tyre. Personat fizikë mund ta bëjnë këtë në platformën e-albania, ndërsa tatimpaguesit me status ligjor person juridik, duhet të paraqiten pranë sporteleve të QKB në të gjithë vendi, çka ka krijuar dhe radhët në sportele.
Ibrahimaj: Tatimet nuk i kontrollojnë dot të gjithë, bizneset të specifikojnë kodet, si të veprojnë individët
Drejtoresha e Tatimeve Delina Ibrahimaj, tha në një intervistë për “Monitor Ekonomi” se Problematika kryesore që ne kemi patur gjatë këtyre ditëve për akordimin e pagës së luftës ka qenë kjo: “një biznes ka qenë i regjistruar me një subjekt aktiviteti, ndërkohë që faktikisht e ushtron aktivitetin e një objekti tjetër që i përket edhe një kodi tjetër. Është e pamundur nga ana e administratës tatimore që të kontrollojë 117 mijë biznese aktive, pra janë bizneset të cilët duhet të specifikojnë kodin e tyre të aktivitetit.
Personat fizikë duhet t’a bëjnë pranë e-albania sepse shërbimi është i ofruar online, ndërkohë që të gjithë subjektet e tjera mund të shkojnë pranë sporteleve të QKB-së dhe të specifikojnë kodin e aktivitetit ekonomik. Të gjithë ato subjekte të cilët mendojnë që janë përfitues të paketës sipas vendimit të Këshillit të Ministrave dhe sipas udhëzuesit që është i publikuar në faqen e drejtorisë së tatimeve, mund të ankohen nëpërmjet një procedure ankimimi.
Gjithashtu edhe ato individë të cilët duan të ankohen se punëdhënësi i tyre nuk aplikon për marrjen e pagës së tyre të luftës mund të ankohen nëpërmjet një procedure tjetër e cila është e afishuar në faqen e tatimeve. Këtu i referohem atyre individëve, të cilët në bazë të masës 2 të paketës janë të larguar nga puna dhe punëdhënësi nuk pranon të aplikojë, atëherë cdo individ mund të ankohen nëpërmjet një adrese emaili duke plotësuar të dhënat në formularin e caktuar, dhe ne do të marrim masat që, nëse ai është përfitues të marrë pagën e luftës”, tha Ibrahimaj.
Sot afati i fundit i ankimimit për paketën e parë
Tatimet kanë njoftuar se të gjithë tatimpaguesit dhe individët e interesuar, të cilët konsiderojnë se mund të jenë përfitues të ndihmës financiare sipas VKM nr.254 datë 27.03.2020, por kërkesa e tyre është refuzuar, se afati përfundimtar për të paraqitur ankesën e tyre është deri në orën 12.00 të datës 29.04.2020.
Tatimet tërheqin vëmendjen se është e rëndësishme që kërkesa/ankesa e dërguar nga individët duhet të përmbajë NIPT e subjektit në të cilin është i punësuar dhe ka aplikuar, si dhe NID përkatës të individit, ndërkohë që tatimpaguesi në kërkesën/ankesën e tij duhet të vendosë NIPT-in e subjektit./Monitor
Lajme të tjera
-
Hyn në fuqi vendimi i Qeverisë, nga sot çdo shërbim që merrej pranë QKB tani tek 'e-Albania'
11 Dhjetor, 12:57 -
Qindra portale 'fantazmë' në Shqipëri, Braçe: Dezinformojnë! Duhet një regjistër me çdo të dhënë të tyre
6 Nëntor, 15:29
-
Regjistrohet në QKB kompania shtetërore e prodhimit armëve KAYO e Ministrisë së Mbrojtjes, Ardi Veliu zgjidhet drejtor
17 Tetor, 13:35 -
QKB thirrje bizneseve: Dorëzoni pasqyrat financiare vjetore brenda 31 korriku
22 Korrik, 13:49 -
Shoqatat e biznesit do të 'shkrihen' në një Dhomë Kombëtare Ekonomie, viti i parë me tarifë zero
14 Maj, 16:27
-
Shitje fiktive për 2 milionë euro, në hetim ish punonjësi i QKB e 6 të tjerë! Krijuan skemën e mashtrimit: 15 të huaj u bënë me biznes pa hyrë kurrë në Shqipëri (Emrat)
10 Maj, 11:58 -
Projektligji për turizmin/ Tërhiqet qeveria, qytetarët që japin dhoma me qira s’do regjistrohen si biznes! Ulet dhe gjoba
5 Mars, 16:50
-
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24
