POP 5

Lajmet më të lexuara të 5 minutave të fundit

Ekonomi

Ngrihet shoqëria shqiptaro-arabe për prodhimin e pullave fiskale! Aksioner, edhe ish-koncensionari SICPA

Është ngritur kompania shqiptaro-arabe që do të prodhojë dhe do të shpërndajë pullat fiskale për produktet e akcizës. Në QKB është regjistruar shoqëria e re ‘Alb Trace Co’, ku 51% e aksioneve do të administrohen nga Shtypshkronja e Letrave me Vlerë. Ndërsa kompania arabe ka aksioner edhe ish koncesionarin e pullave fiskale në vend SICPA.

Është regjistruar në Qendrën Kombëtare të Biznesit shoqëria shqiptaro-arabe që do të prodhojë pullat fiskale pas mbarimit të kontratës koncesionare në dhjetor të vitit të shkuar. Shoqëria e krijuar quhet “Alb Trace Co”, ku 51% e aksioneve zotërohen nga Shtypshkronja e Letrave me Vlerë dhe 49% nga “O&S Security and Solutions”, e regjistruar në Emiratet Arabe.

Bazuar në dokumentet e depozituara në QKB, shteti shqiptar në këtë kompani përfaqësohet nga Shtypshkronja e Letrave me Vlerë, ndërsa aksionet e kompanisë arabe zotërohen 40% nga kompania SICPA Middle East Investments Holding LTD, që është në pronësi të ish-koncesionarit që prej vitit 2012 ka prodhuar pullat fiskale në Shqipëri. Pra kompania SICPA rikthehet edhe një herë në tregun tonë po për prodhimin e pullave, si aksionere e kompanisë arabe. Ndërsa 60% e aksioneve i takojnë Oumulat Security Printing, filial i Bankës Qendrore të Arabisë Saudite.

Prej vitit 2012 deri në fund të vitit 2024 prodhimi, shpërndarja dhe monitorimi i pullave fiskale të akcizës është kryer nga shoqëria koncesionare “SICPA Security Solutions S.A” dhe “SICPA Security Solutions Albania sh.p.k që e kishin fituar të drejtën e koncesionit përmes një propozimi të pakërkuar në vitin 2011.

Ministria e Financave në fillim të këtij muaj tha se brenda marsit do të nisë prodhimi i pullave fiskale nga shoqëria e re, ndërkohë që bizneset do të furnizohen me pulla nga kompania koncesionare deri më 31 mars.

Shoqëria e re do të funksionojë nën administrimin e Shtypshkronjës së Letrave me Vlerë, dhe do të ketë si qëllim fuqizimin e kapaciteteve të saj në menaxhimin e proceseve të prodhimit dhe shpërndarjes së pullave fiskale.

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 10:18

    Nisin kualifikueset e Botërorit, si del Angli-Shqipëri?

Lajme të tjera



×

Lajmi i fundit

‘Tradhtarë, mosmirënjohës’ / Rama nga Njësia 2 tregon të pathënat kur kandidoi për herë të parë në parti: Mora vetëm 40 vota, dy vite isha ‘black out’

‘Tradhtarë, mosmirënjohës’ / Rama nga Njësia 2 tregon të pathënat kur kandidoi për herë të parë në parti: Mora vetëm 40 vota, dy vite isha ‘black out’

20 Mars, 23:26