POP 5

Lajmet më të lexuara të 5 minutave të fundit

Politikë

Bllokimet nga anti-informaliteti/ Basha: Bizneset po goditen për të financuar klientët e Ramës

Lulzim Basha akuzon se gjobat dhe sekuestrimet ndaj sipërmarrjeve të vogla që sipas tij sigurojnë mbijetesën e shumicës së familjeve shqiptare, bëhen për të grabitur paratë e tyre për të financuar grykësinë dhe lluksin e Edi Ramës dhe klientëve të tij milionerë.

Bllokimet nga anti-informaliteti/ Basha: Bizneset po goditen për të financuar klientët e Ramës

Kryetari i PD-së, Lulzim Basha ka reaguar pas aksionit anti-informalitet që po zhvillohet në cdo cep të vendit me theks vijën bregdetare. Kryeministri Rama sot publikoi pamjet e një hoteli të bllokuar si pasojë e kapjes me shkelje. Por Lulzim Basha akuzon se gjobat dhe sekuestrimet ndaj sipërmarrjeve të vogla që sipas tij sigurojnë mbijetesën e shumicës së familjeve shqiptare, bëhen për të grabitur paratë e tyre për të financuar grykësinë dhe lluksin e Edi Ramës dhe klientëve të tij milionerë.

"Dhuna e gjobave dhe sekuestrimeve ndaj sipërmarrjeve të vogla që sigurojnë mbijetesën e shumicës së familjeve shqiptare, bëhet për të grabitur paratë e tyre për të financuar grykësine dhe lluksin e Edi Ramës dhe klientëve të tij milionerë. Si hajdut psiqik që është, vodhi të gjithë buxhetin e shtetit me kontrata dhe koncesione kriminale, por nuk do ndalet deri sa të vjedhë edhe pikën e fundit të mundit dhe gjakut të shqiptarëve. Edi Rama është kërcënim dhe rrezik për jetën dhe sigurinë e çdo familje shqiptare.

Rama është sponsorizuesi dhe përfituesi kryesor i informalitetit. Ai kaloi ligjet që favorizojnë klientët dhe oligarkët e tij, ndërkohë që rëndon me taksa dhe tarifa sipërmarrjet e vogla dhe të mesme. Ndryshe nga Rama ne besojmë në një ekonomi të lirë dhe konkuruese. Vjet në shtator ne prezantuam paketën Antimafia. Në të identifikuam kush janë përfituesit dhe abuzuesit e mëdhenj të buxhetit të shtetit si dhe rrugët që ndjek qeveria për t’i favorizuar.

U treguam shqiptarëve ligjet speciale Rama, taksat preferenciale Rama të aplikuara nga qeveria ndaj oligarkëve, tenderat Rama që ata kanë përfituar në kundërshti me ligjin si dhe koncesionet (PPP). Ua treguam me emër shqiptarëve se kush janë ata që përfitojnë nga këto grabitje ne ligj. Në Partinë Demokratike kjo listë po shtohet e plotësohet. Ky është vetëm fillimi i zgjidhjes. Do të anullojmë të gjitha politikat fiskale që janë me emër biznesi, do të lehtësojmë barrën fiskale për gjithë sipërmarrjen. Mbi të gjitha do të marrim masa për të ndëshkuar mafian që fshihet pas oligarkisë. Me parimin "ndiq paranë" do të bëjmë të mundur që biznesi i ndershëm të punojë dhe të ndëshkohen abuzuesit" shkruan Basha.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ERP: 03/08/2019 13:22

    Per venie gjobash je specialist ti plehre

    Përgjigju
  • Robi: 03/08/2019 12:23

    Vallahi ky është burrë shteti, sa zbulim të madh ka bërë, po si nuk foli një fjalë për hajdutine e 1.5 milion eurove , Ferdinand shehun, bankomate i kujt është tek kupola e pd leshelis?.

    Përgjigju
  • asl: 03/08/2019 12:10

    O trapafillo te tjeret rriten e piqen ti rritesh e percellohesh.Me injorant se ky Basha nuk e kuptoj si te vijne mbas ty!!!!!!!!

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja