GJIROKASTER - Ceremonia mortore për Konstandin Kaçifën u shoqërua edhe me incidente, pasi pjesëmarrësit në kortezh, kryesisht ekstremistë të ardhur nga Greqia, lëshuan thirrje antishqiptare dhe ato për të ashtuquajturin Vorio-Epir. Në fund të funeralit, ata bllokuan aksin nacional Gjirokastër-Kakavijë në hyrje të fshatit Bularat. Qarkullimi në këtë segment ka qenë i paralizuar për rreth 10 minuta, deri në ndërhyrjen e policisë. Burime nga Policia e Shtetit bëjnë me dije për Report Tv, se janë shoqëruar 14 persona, të dyshuar si organizatorë të bllokimit rrugës, por ata do të hetohen edhe për kalim të paligjshëm të kufirit dhe thirrjet raciste gjatë ceremonisë.
Arrestimet e kryera në pikën kufitare të Kakavijës
Report Tv mëson se në prangat e policisë kanë rënë ekstremisti i njohur Babis-Harallambos Karathanos dhe Anestis Kacis. Burimet gjithashtu sqarojnë se forcat anti-terror, kanë identifikuar të gjithë personat që kanë bllokuar rrugën dhe ata që kanë ekspozuar simbolet e Vorio-Epirit gjatë gjithë ceremonisë mortore. Ndërkohë, mediat greke raportojnë se krahas Karathanos, në pranga kanë rënë edhe tre minoritarë si Thoma Stefo, ish-kreu i Këshillit drejtues të OMONIA, Kristo Duçi, ish-kreu i komunës Dropull si dhe Andrea Kurti.
Kristo Duçi, ish-kreu i komunës Dropull
Babis-Harallambos Karathanos printe sot edhe arkëmortin me trupin e pajetë të Kaçifës nga Bularati për në varrezat e fshatit, ndërsa në duar mbante flamuj grek dhe bënte thirrje si "Vorio-Epiri është tokë greke" apo dhe "Këtu është Greqi".
Ekstremisti Karathanos në krye të arkëmortit
Babis Harallambos është përfaqësues politik i "Agimit të Artë" dhe i njohur për qëndrimet e tij antishqiptare, ndërsa ka qenë i akuzuar edghe si një prej autorëve të masakrës së Peshkëpisë. Burime për Report Tv pranë Policisë së Shtetit se Karathanos dyshohet të ketë hyrë në Shqipëri ilegalisht. Pas shoqërimit të ekstremistëve nga policia, në ambientet e Policisë në Gjirokastër ka mbërritur kreu i PBDNJ, Vangjel Dule i cili ka kërkuar lirimin e tyre.
Të arrestuarit sipas mediave greke
Më herët, policia bllokoi në kufi 44 shtetas grekë të identifikuar si problematikë, të cilët mbanin me vete uniforma me parulla për Vorio-Epirin dhe flamuj grekë. Protestuesit grekë, pas përfundimit të ceremonisë mortore, bllokuan për mbi 10 minuta rrugën nacionale duke shkaktuar kaos dhe trafik. Pas insistimit të gazetarit të Report Tv, Arsen Rusta, Policia e Shtetit ka ndërhyrë duke bërë të mundur normalizimin e situatës.
Lajmi kryesor:
Kaçifas varroset në Bularat, 44 ekstremistë grekë kthehen mbrapsht nga policia shqiptare në Kakavije
Policia e Shtetit ka dhënë njoftimin lidhur me planin e masave që është marrë në Bularat të Gjirokastrës gjatë varrimit të Kacifas ditën e sotme. Policia bën me dije se janë në total 14 persona të shoqëruar në komisariatin e Policisë në Gjirokastër, 12 prej të cilëve janë të shoqëruar, ndërsa dy janë proceduar penalisht.
Njoftimi i plotë
Komunikatë e Policisë së Shtetit
Gjatë mesditës së sotme, në fshatin Bularat të Bashkisë Dropull, Gjirokastër u zhvillua ceremonia mortore e të ndjerit K.K.
Policia e Shtetit, për të garantuar mbarëvajtjen e ceremonisë mortore, si dhe shmangjen e incidenteve të mundshme që mund të lindnin nga prezenca e personave me prirje ekstremiste, mori një sërë masash parandaluese.
Në Pikën e Kalimit të Kontrollit Kufitar Kakavije, Policia ka kryer kontrolle të imtësishme të personave, të cilët vinin nga Greqia për të marrë pjesë në ceremoninë mortore në Bularat.
Si rezultat i kontrolleve, nuk u është lejuar hyrja në Shqipëri për 44 qytetarë grekë, të cilët janë kthyer mbrapa, pasi disponoheshin të dhëna se ata mund të krijonin incidente në fshatin Bularat.
Gjithashtu, gjatë verifikimeve janë evidentuar dhe proceduar penalisht për nxitje të urrejtjes, dy shtetas, të cilët mbanin me vete banderola dhe uniforma që nxisnin urrjetjen.
Gjatë ceremonisë mortore, janë evidentuar elemente që kanë shpërdorur ceremoninë për qëllime propagandistike ekstremiste.
Në përfundim të ceremonisë nga ana e Policisë janë shoqëruar në ambjentet e Drejtorisë Vendore të Policisë Gjirokastër 12 shtetas. Ndaj personave të shoqeruar po kryhen veprimet e nevojshme proceduriale nga Prokuroria.
Theksojmë faktin mes Policisë së Shtetit dhe Policisë Greke ka pasur një bashkëpunim mjaft të mirë për parandalimin e hyrjes së personave me prirje ekstremiste.
Policia Greke kishte marrë masa shtesë në Kakavijë dhe është treguar bashkëpunuese me Policinë Kufitare të Kakavije.
Shkon në 14 numri i të shoqëruarve pas bllokimit të rrugës nacionale Gjirokastër-Kakavije.
Report Tv ka mësuar se ndër të shoqëruarit ka grekë dhe shqiptarë. Në këtë operacion kanë marrë pjesë edhe forcat anti-terror të Fierit, të cilët kanë shoqëruar këta persona.
Ndërkohë që 12 të shoqëruarit e tjerë janë:
Thanas Papas
Dhimitër Konstantinos
Nina Dinos
Jorgos Varelas
Anestis Panajotis
Andrea Kurti
Thoma Stefo
Athanasis Papas
Konstantinos Gizolis
Harallamb Karathano
Pirro Panajoti
Kristo Duci
Theodhor Petropulos
Jorgo Thoma
Nga komisariati i Policisë së Gjirokastrës aty ku shkoi në mbështetje të ekstremistëve grekë të arrestuar në Bularat, kryetari i Partisë Bashkimi për të Drejtat e Njeriut, Vangjel Dule ka vijuar të flasë në greqisht.
Kanë qenë gazetarët shqiptarë të cilët kanë insistuar që Dule të flasë në gjuhën shqipe. Dule është detyruar të ndryshojë gjuhë duke folur në shqip. Dule ka shpjeguar se nga policia e Shtetit është informuar se janë arrestuar 12 persona të cilët janë duke u verifikuar dhe për 10 orë do të lirohen.
Gazetarët: Zoti Dule, ju lutem në gjuhën shqipe. Zoti Dule shqip!
Vangjel Dule: “Nga autoritetet policore u njoftuam se bëhet fjalë për 12 shoqërime që janë në proces verifikimi dhe afati maksimal është deri në 10 orë. Shpresojmë që së shpejti të përshpejtohet i gjithë procesi dhe të jenë të gjithë, në normalitetin e tokës së tyre.
Një nga gazetarët e pranishëm: Zoti Dule, keni koment për thirrjet anti-shqiptare që u lëshuan këtu? Jemi në tokë shqiptare?
Komente
Lajme të tjera
-
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin
22 Dhjetor, 16:59
-
Gjirokastër/ Banesa përfshihet nga zjarri, shkak një defekt në bombulën e gazit! Shpëtojnë mrekullisht familjarët
21 Dhjetor, 15:40 -
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Gjirokastër/ Makina del nga rruga te 'Ura e Kardhiqit', vdes drejtuesi 62-vjeçar
20 Dhjetor, 08:02 -
AMP arreston 2 policë! Njëri u denoncua nga ish-bashkëshortja, theu urdhrin e mbrojtjes dhe i vodhi valixhen me 5 milion lekë
19 Dhjetor, 10:58
Tolerimi i ceremonise mortore nuk eshte ligeshti. Si ne lufte ashtu dhe ne paqe palet konfliktuese lejojne varrimin pa nderhyrje,me vone gjerat studiohen,sjelljet e nacionalisteve dhe ekstremisteve ne hollesi. Shqiptaret ne kete situate u ballafaquan me sjelljet tejmase te nacionalisteve greke por askush nuk mund ti akuzoje ne asnje forme. Ky akt i lige u mbetet grekeve ne supet e tyre duke u munduar qe te kompromitojne shtetin Shqiptare por ne realitet shenuan autogol. RROFTE SHQIPERIA
PërgjigjuHiqu "S" te gjithe emrave dhe shikoni se nga jane...
PërgjigjuMORALISHT GJITOKASTRA U PUSHTUA NGA EKSTREMISTET GREK POLICIJA DHE USHTRIJA KA RENE
PërgjigjuO e ka dardha bishtin mbrapa? O kta jan shtet leshi qe lejojn thirrje anti shpitare edhe ne shqipri. Po thyrja brinjve sdo dukej mir ne sy te huajve. Kurse Dulja e don nje syve
PërgjigjuAUTOXEFTILIZMOS,,,,ku kan përfunduar ,,telendisje me duart e tua i thon kësajqë bën grekët sot.Kjo do ngeli në histori.Vul e zezë. Për këta injorant që kërkojn me se sbën nji hero
PërgjigjuOoooo shtet legen o gjeveri horash Po ca doni ma mor legena po kerkoni shpjegime ndaj shtetit grek me na ardh ne shqipni marre faqja e zez shkoni mor hora shkoni mor njerz legena
PërgjigjuPo si ka mundsi qe keta rpq na vine ketu edhe na bejne ligjin.o Enver hoxha cohu nga varri edhe ti shdukim keta greker njeher edhe per gjithmon
PërgjigjuOre ku jan populli shqiptar se Po na pushtom greku ca esht kjo pun viin leta rpq e bejn ligji n vendin ton
PërgjigjuPritni more grek pritni se gjermania e futi Mierditen ne loj dhe rolin qe din te beje me mir per mbrojtejen e kombit
PërgjigjuDeri dje vella, thuhej balle nalte qe Mirdita nuk ka linde tradhetore. Sot vella, eshte e debatueshme. Neser vella, do vertetohet. Shpresoj te jem 1000% gabim.
Na beni nje nder futeni dhe dulen brënda
PërgjigjuÇ'eshte kjo gervallje?!Ç'eshte kjo pallje e higellime!?Kush ne token e shqipeve po pllet e qirret si sorrshkina qe njellin kob?!!Kjo toke e shqipeve qe te merr gjak ne vetulle.Nuk lejon gervallje e higellima te panatyrshme.Kjo eshte e do te jete sa te kete jete njerezore ne kete palnet, e sa te kete jete njerezore, do te kete shqiptare e bije shqipe mbi kete palnet te Ilirise, do te jete toke e shqipeve.
PërgjigjuNe burg pushtat
PërgjigjuPash besen,se skam si dal,silleni ketu,vetem per dy dit,jo ma teper. Ju lutem.
Përgjigju