POP 5

Lajmet më të lexuara të 5 minutave të fundit

Kronikë

Bllokohen 163 kg mjaltë në Llogara
e Palasë, shkak cilësia e produktit

Autoriteti Kombëtar i Ushqimit në bashkëpunim me Drejtorinë Rajonale të Qarkut Vlorë, ka bllokuar 163 kilogramë mjaltë, gjatë një inspektimi sot të subjekteve dhe individëve që e tregtonin atë në zonën e Llogarasë dhe Palasës. VIDEO
VLORE - Autoriteti Kombëtar i Ushqimit në bashkëpunim me Drejtorinë Rajonale të Qarkut Vlorë, ka bllokuar 163 kilogramë mjaltë, gjatë një inspektimi sot të subjekteve dhe individëve që e tregtonin atë në zonën e Llogarasë dhe Palasës.

Shkak për këtë është bërë mungesa e kushteve higjeno-sanitare në ambalazh të tregëtimit, mungesa e fletë-analizave, dokumentacionit të individëve tregëtues, si dhe për shkak të dyshimeve të cilësisë dhe sigurisë së produkit.

Drejtori i Menaxhimit të Riskut pramë AKU, Kreshnik Totaj, i pranishën në këtë inspektim u shpreh se “ ky aksion bëhet në vijim të një sërë inspektimesh që janë ndërmarrë në rang vendi , për të garantuar maksimalisht sigurinë ushqimore”, duke shtuar se “ në këtë rast kemi bllokuar mjaltin që tregtohet jashtë kushteve higjieno-sanitare, duke marrë masa të rrepta administrative në mënyrë që të disiplinojmë bizneset që tregtojnë produkte ushqimore të sigurta”.

mjalti bllokuar

mjalti bllokuar
(Në foto: Inspektorët e AKU gjatë bllokimit të mjaltit në Llogara dhe Palasë)

Nga ana tjetër, sipas Drejtorit të Drejtorisë Rajonale Vlorë, Renato Banushaj, inspektimet janë shtrirë në të gjtihë qarkun e Vlorës, dhe ku janë inspektuar një sërë biznesesh që tregtojnë produkte ushqimore me origjinë shtazore. Banushaj theksoi se “masa janë marrë jo vetëm për shkelje të standardeve ushqimore, por edhe për mungesë nipti, si dhe dokumentacioni përkatës , shoqërues të produkteve”.

Sipas AKU-së inspektimet do të vijojnë jo vetëm për evidentimin dhe bllokimin e produkteve ushqimore jashtë standardeve , por edhe duke vënë theksin vazhdimisht në sensibilizimin e konsumatorëve që të konsumojnë produkte ushqimore të certifikuara.

mjalti bllokuar

Redaksia Online
(e.c/shqiptarja.com)

/Shqiptarja.com
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

VIDEO/ Juventusi 'merr hak', mposht 2-0 Milanin dhe rigjen fitoren pas një muaji

VIDEO/ Juventusi 'merr hak', mposht 2-0 Milanin dhe rigjen fitoren pas një muaji

18 Janar, 20:09