X

POP 5

Lajmet më të lexuara të 5 minutave të fundit

Kronikë

Bllokohet kanali, uji përpin pyllin, banorët e Darëzezës: Jemi ankuar, nuk dimë se çfarë do bëhet (VIDEO)

Kanali kullues është i bllokuar e për pasojë, uji po përpin dunat ranore dhe pyllin e Semanit. Për këtë fenomen flasin me shqetësim banorët dhe peshkatarët e Darëzezës në Fier.

Rreth 1 mijë metra katrorë në bregdetin e Darëzezës janë përpirë nga uji.

Kanali kullues i Hoxharës, është i bllokuar në grykëderdhjen e tij, e për pasojë uji ka devijuar në pyllin e Semanit duke tharë pemët si dhe janë shkatërruar dunat ranore.

Banorët e kësaj zone që merren me peshkim flasin me shqetësim për bllokimin e kanalit, i cili po i lë pa punë.

"Kjo ka rreth 3-4 vjet ka marrë shumë tokë nga ana e pyllit. Duhet bërë hapja e kokës së kanalit. Ka raste që nuk futemi dot për peshkim sidomos kur ka shumë baticë deti.

Por cila është zgjidhja?

"Mjafton një eskavator dhe të punojnë hidrovoret sepse hapet shpejt kanali pa asnjë lloj problemi", shprehet një prej banorëve.

Kjo situatë vazhdon prej 4-5 vitesh. Ata kanë bërë disa ankesa në Bordin e Kullimit si dhe në portalin qeveritar "Shqipëria që duam".

"Kemi bërë kërkesë në bordin e kullimit dhe në portal, por nuk e dime se çfarë do të bëhet", shprehen ata.

Të frikësuar edhe nga përmbytjet banorët e Darëzezës në Fier kërkojnë ndërhyrje urgjente.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

CAS rrëzon FIFA-n, KF Erzeni kursen 120 mijë euro

CAS rrëzon FIFA-n, KF Erzeni kursen 120 mijë euro

26 Prill, 11:32