Jo vetëm në Shqipëri por edhe në botë ka mungesë të profesioneve të ndryshme. E ndërsa shumë njerëz sot po kërkojnë një punë miliarderi amerikan Michael Bloomberg jep një këshillë.

“Nëse do të bëhesh miliarder, atëherë bëhu hidraulik!”

Një nga njerëzit më të pasur në botë, Michael u shpreh gjatë takimit vjetor të grupit tregtar në Wall Street se, për të krijuar dinastinë tënde nuk duhen aspak vite të gjata dhe të shtrenjta shkollimi. 

Sipas tij, sekreti për të ecur përpara në ditët e sotme është një zanat i mirë dhe sigurisht investimi tek ai profesion. 

"Nëse fëmija juaj nuk është inteligjent sa duhet në terma akademikë, por ka aftësi të mira komunikimi dhe bindëse, atëherë hidrauliku është profesioni i duhur, pasi ai mund ta rrisë atë biznes duke punësuar edhe persona të tjerë më vonë", tha Bloomberg. 


Redaksia Online
(g.f/shqiptarja.com)