POP 5

Lajmet më të lexuara të 5 minutave të fundit

Politikë

Blushi: Prova se referendumi është
manipuluar, Rama të hapë kutitë

Për Ben Blushin s'ka më pikëpyetje se referendumi i 9 prillit për mandatin e kryetarit të PS, është manipuluar. Reagimi i deputetit kritik erdhi një ditë pas publikimit në një emision investigativ të një video gjatë votimit të anëtarësisë socialiste ku një person votoi dy herë. VIDEO 
Blushi: Prova se referendumi është<br />manipuluar, Rama të hapë kutitë
Për Ben Blushin s'ka më pikëpyetje se referendumi i 9 prillit për mandatin e kryetarit të PS, është manipuluar. Reagimi i deputetit kritik erdhi një ditë pas publikimit në një emision investigativ të një video gjatë votimit të anëtarësisë socialiste ku një person votoi dy herë.

"Të gjithë mund të binden se ky referendum është trukuar duke hapur kutitë. Demokracia e brendshme në PS po cenohet rëndë me prova. Ne po presim me këmbëngulje që sipas rregullit, komisioni i zgjedhjeve në PS, i njëjtë me KQZ, të shpallë rezultatin e votimit. Deri sot nuk ka një rezultat votimi. Rezultatin e ka shpallur një ministër. E shpall ky komision dhe jo ai. Deri ditën që ky komision të shpallë rezultatin kuti për kuti, për 385 kuti, ne do të ankohemi që të hapur kutitë. Në 2009-ën kam thënë kutitë duhet të hapen, por Edi Rama duhet të mbajë përgjegjësi për humbjen e zgjedhjeve. Edi Rama sot bëri atë që bëri Saliu atëherë. Sot, kryetarë bashkish, kolegë të mi kanë shkuar për të kuruar imazhin e Edi Ramës për të marrë një mandat të grabitur. Tashmë është një provë e dokumentuar në mënyrë filmike", u shpreh Blushi.
 
Deputeti socialist tha se do të kërkojë hapjen e kutive për të hedhur dritë sipas tij, mbi grabitjen e votave të socialistëve.
 
"Të hapen kutitë dhe të verifikohet emër për emër kush ka votuar. Mbrëmë pamë se kishin votuar dy herë në kuti. Të gjithë mund të binden se ky referendum është trukuar duke hapur kutitë. Demokracia e brendshme e në PS po cenohet rëndë me prova", tha Blushi.

Ai sqaroi se as nuk do të hyjë në grevë urie, por as do të ngrejë pati në Gjykatë ndaj PS-së.

"S'kam ndërmend të hyj në grevë urie. Do të ishte e nevojshme, edhe pse ka shumë prova, por nuk do ta çoj PS-në në gjykatë. Unë nuk fajësoj PS-në, por rilindjen, Ky nuk është një ves socialist, por një ves i rilindjes. Rilindja është një aksident që duhet shmangur", deklaroi deputeti socialist. 

Ben Blushi foli edhe për reformën në drejtësi, ku theksoi se zgjidhje për të mund të ishte referendumi. "Meqenëse shkuam për një çështje pa kuptim për referendum brenda partisë, pse nuk i japim mundësi shqiptarëve, t'i pyesim se çfarë standardi të drejtësisë duan. Kjo klasë politike po i heq shumë të drejta shqiptarëve dhe po i merr vetë. Ta zgjedhin shqiptarët se çfarë reforme në drejtësi duan", theksoi ai. 

Redaksia Online
Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28