POP 5

Lajmet më të lexuara të 5 minutave të fundit

Politikë

Boçi: 'Sami Frashërit' duhet t'i vihej shiriti i krimit! Kush mban përgjegjësi për firmën që kreu rikonstruksionin para një viti (VIDEO)

Ish-deputeti demokrat Luçiano Boçi ishte ditën e sotme në ambientet e gjimnazit Sami Frashëri e cila u dëmtua nga tërmeti i 26 Nëntorit, ku akuzoi pushtetin lokal dhe atë qendror se kanë braktisur nxënësit e saj.

TIRANE- Ish-deputeti demokrat Luçiano Boçi ishte ditën e sotme në ambientet e gjimnazit Sami Frashëri e cila u dëmtua nga tërmeti i 26 Nëntorit, ku akuzoi pushtetin lokal dhe atë qendror se kanë braktisur nxënësit e saj. Boçi tha se shkollës i është vënë dryni kur në fakt duhet t'i ishte vënë shiriti i krimit, ndërsa bëri përgjegjës për dëmtimin e saj, firmën që ka marrë përsipër rikonstruksionin e bërë një vit më parë.

"Situatën ju e shihni vetë. Nxënësit në shkollën Samit Frashëri janë braktisur. Nuk ka një inspektim të plotë të dëmeve. Shkollës i është vënë dryni kur në fakt duhet t'i ishte vënë shiriti i krimit. Kjo shkollë është rikonstruktuar një vit më parë. Mungon dhe transparenca për të gjitha dokumentet që duhet të paraqesë Bashkia e Tiranës. Ju e pasqyroni, fasada e propagandës nuk mund të mbulohet. Nuk e mbulon as Rama, as Veliaj që fshihet pas propagandës kur duhet të ishte këtu për të thënë se kush mban përgjegjësi për shkollat e dëmtuara dhe si u procedua për të nxjerrë firmën fituese që bëri rikonstruksionin dhe a mban bashkia përgjegjësi për situatën në këtë shkollë dhe shkolla të tjera. Boll me propagandë. Përgjegjësitë t'i mbajnë ata që kanë kryer këtë krim", u shpreh Boçi.

'Sami Frashëri' është edhe një ndër shkollat më dëme më të mëdha në kryeqytet si pasojë e tërmetit. Asaj i është vënë edhe shiriti prej më shumë se tre javësh pas inspektimit nga inxhinierët e ndërtimit. Godina pësoi dëmtime serioze, më së shumti në katin e tretë të godinës, aty ku ka rënë dhe tavani. Pak ditë pas tërmetit u pezullua nga detyra edhe drejtoresha e saj Teuta Dobi, për shkak se kishte lejuar nxënësit të futeshin në shkollë për të zhvilluar një provim në lëndën e gjermanishtes në datë 27, vetëm një ditë pas tërmetit tragjik.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04