Më 25 korrik në Riad të Arabisë Saudite, boksieri shqiptar Kristian Prenga do të sfidojë ish-kampionin e botës, Anthony Joshua. Ky i fundit është kritikuar shumë për zgjedhjen që ka bërë për t'u ndeshur kundër Prengës, me mediet e ndryshme që e kanë quajtur shqiptarin 'një boksier të panjohur'.

Paçka se Prenga ka fituar 20-të nga 21 sfidat e tij në ring, promotori Lou DiBella ka qenë shumë i ashpër me shqiptarin duke e quajtur 'një roje dere', duke mos e futur në të njëjtin rang me dy herë kampionin e botës për peshat e rënda.

"Ai nuk duhet të jetë në ring me një roje dere", tha DiBella në The Ariel Helwani Show. “Ky është Kristian Prenga. Ai është i fortë fizikisht. Ai është tamam si një roje në një klub nate.

Prenga mund të godasë me grusht nëse je i ngadaltë. Nëse nuk e sheh dhe ai të dërgon një grusht dhe ai të godet, mund të të lëndojë. Por, a i përket ai rangut të Anthony Joshua? Ai nuk i përket të njëjtës palestër, të njëjtit vend", tha DiBella.

Paçka fjalëve të fundit dhe karrierave të ndryshme, do jetë ringu ai që do të tregojë vërtet cilësitë e Prengës kundër një prej emrave më të mëdhenj të boksit botëror.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Prill, 21:24

    A duhet që seancat në GJKKO të transmetohen live për publikun?

Lajme të tjera