POP 5

Lajmet më të lexuara të 5 minutave të fundit

Bota

Bolivi, Morales strehohet në Meksikë, ushtria merr pushtetin, luftë urbane në qytete (VIDEO)

Përballë paaftësisë së policisë për të menaxhuar kaosin që ka shpërthyer në Bolivi, pas dorëheqjes së presidentit Morales, Gjenerali William Kaliman ka urdhëruar ushtrinë të lërë kazermat dhe të dalë në rrugë, duke ndërhyrë "për të shmangur gjakderdhjen”

Pas ditës dramatike që çoi në dorëheqjen e Presidentit Evo Morales, Bolivia e gjendur mes kaosit institucional dhe vakumit absolut të pushtetit, u zgjua sot nga zhurma e mjeteve ushtarake.

Ushtria, e urdhëruar nga gjeneralët, ka lënë kazermat ka dalë në rrugë ndërsa Ministri i Mbrojtjes ka dhënë dorëheqjen. Në nivelin ndërkombëtar flitet për një grusht shteti ndërsa përleshjet, aktet e dhunës dhe vandalizmi vazhdojnë në kryeqytetin La Paz.

Qytetet "La Paz dhe El Alto, dy fortesat e opozitës dhe militantët e Mas, besnikë ndaj presidentit të arratisur, ndodhen në panik. Njerëzit qëndrojnë të mbyllur në shtëpi të trembur nga betejat që që zhvillohen jashtë në rrugë dhe shtëpi më shtëpi.

Jeta në qytete është paralizuar. Institucionet janë boshatisur, tregjet, bankat dhe dyqanet janë mbyllur ndërsa në rrugë janë ngritur barrikada. Kriza ka acaruar edhe ndarjet sociale, racore, etnike midis të bardhëve dhe metisëve, midis të pasurve dhe të varfërve, mes klasës së lartë, të mesme dhe klasës së ulët fshatare, duke e sjellë edhe më afër mundësinë e një lufte civile.

Presidenti bolivian Morales ka pranuar azilin politik të ofruar nga Meksika duke i dhënë fund ciklit të tij politik, fillimisht një eksperiment i suksesshëm por që më vonë përfundoi me dhunë ndaj popullsisë indigjene dhe rritjen e pakënaqësive në vend.

Rendit zhvillimet sipas orarit:
Ora 16:53
Maradona përkrah Morales: Në Bolivi grusht shteti, Maduro: Organizuar nga SHBA-ja

Legjenda e futbollit Diego Armando Maradona shprehu mbështetjen e tij për ish-presidentin Bolivian Evo Morales, i cili u arratis për në Meksikë, ku ai kërkoi azil politik, ndërkohë që në Bolivi ushtria ka bërë grusht shteti.

‘Pibe de Oro’ postoi në Instagram një mesazh me një foto të tij së bashku me Morales, në vitin 2008.

"Më vjen keq për grushtin e shteti të orkestruar në Bolivi, veçanërisht për popullin bolivian dhe për Evo Morales, një person i mirë që ka punuar gjithmonë për më të varfërit ”, ka shkruar ish-kapiteni i Napolit dhe Argjentinës.

Gjatë jetës së tij, Maradona në të kaluarën ka qenë përkrahës i liderëve të tjerë të Amerikës qendrore dhe Jugore, si Fidel Castro në Kubë dhe Hugo Chavez në Venezuelë.

Në një mesazh të fundit, Maradona ka uruar Morales për fitoren e tij të pretenduar në raundin e parë të zgjedhjeve presidenciale Boliviane, të kontestuar nga opozita.

Ndërkohë, për t’i dhënë Morales mbështetjen e tij, Presidenti Venezuelës Nicolas Maduro, tha se në Bolivi: Ishte një grusht shteti i financuar dhe drejtuar nga Shtetet e Bashkuara.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pyka: 12/11/2019 10:37

    Pikërisht këtë duan të bëjnë në Shqipëri kasta 30 vjeçare plaçkitëse!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Gati shqipe', turi me diasporën, Rama sot takim me shqiptarët e Londrës! Pamje nga salla

'Gati shqipe', turi me diasporën, Rama sot takim me shqiptarët e Londrës! Pamje nga salla

24 Nëntor, 07:10