Receta

Bollgur me perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 12 Korrik, 12:04 | Përditesimi: 12 Korrik, 12:06

Bollgur me perime

Përbërësit:

1 kokërr qepë
2 lgj vaj ulliri
1 spec jeshil
1 spec i kuq
1 thelpi hudhër
1 domate
1 lgj salcë domate
100 gr bollgur
160 ml ujë
Gjalpë
Kripë, piper
Majdanoz për servirje

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Fillimisht kaurdisim qepën e grirë imët në një tigan me vaj ulliri. Sapo qepa të bëhet transparente shtojmë specin, hudhrën dhe më pas domatet e prera në kubik të vegjël. Rregullojmë shijen me kripë e piper. Pasi perimet të kenë marrë një kaurdisje të lehtë hedhim salcën dhe gjalpin, shtojmë bollgurin dhe ujin e nxehtë. Ulim nxehtësinë e sobës, e trazojmë gatimin herë pas here dhe e lëmë sa të përthithet uji. E servirim menjëherë të ngrohtë spërkatur me majdanoz të freskët.

MC/Shqiptarja.com

TAG: