POP 5

Lajmet më të lexuara të 5 minutave të fundit

Bomberat e Kombëtares bëjnë nxehmjen para ndeshjeve me Anglinë dhe Andorën, shqetëson Broja

Pak ditë para ndeshjeve të para të kombëtares në kualifikueset e Botërorit sulmuesit kuqezi në Europë po japin sinjale pozitive.

Sulmuesi i Kombëtares Rey Manaj po kalon një moment tejet pozitiv me skuadrën B të Barcelonës. Shqiptari ka gjetur rrugën e rrjetës edhe në ndeshjen e fundit që u fitua 4-2 me përmbysje kundër Llagostera, që ishte e vlefshme për divizionin e dytë.

Manaj realizoi golin e parë për skuadrën e tij, që i hapi rrugë përmbysjes për tre pikët. Për bomberin 24-vjeçar ky ishte goli i tetë në kampionat, duke treguar se është në formë të përkryer teksa Reja bën përgatitjet e fundit për listën e Kombëtares në prag të ndeshjeve me Andorën dhe Anglinë në fund të marsit.

Ndërkohë rrugën e rrjetës këtë fundjavë ka gjetur edhe fantazizti Nedim Bajrami që luan në Seria B me Empolin. Futbollisti që kërkohet me ngulm nga Reja, por që nuk po merr lejen nga Zvicra, shënoi golin e barazimit 1-1 kundër Citadella-s. E ardhmja e tij me kombëtaren kuqezi është ende enigmë, por nga pala shqiptare po përpiqen jo pak.

Lajme jo të mira kanë ardhur nga Holanda për sulmuesin Armando Broja. 19-vjeçari që është pjesë e Chelsea-s, po kalonte një moment të jashtëzakonshëm, por në ndeshjen me Az Alkmar ai luajti për disa minuta i dëmtuar. Ende nuk dihet shkalla e dëmtimit, por do të ishte një mungesë e rëndësishme për kuqezinjtë në rast se më e keqja konfirmohet.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ditë acari në vend, a i përballoni dot kostot e ngrohjes?

Lajme të tjera



×

Lajmi i fundit

John

Debate në Komisionin e Ligjeve, opozita kërkon seancë dëgjimore për '5 Majin'! Bardhi: Nesër të jetë afati i fundit! Bushka: Kërkesa në kundërshtim me rregulloren

24 Janar, 12:02