TIRANE- Vetëm 52 sekonda i janë dashur bombëvënësit të instalojë minën e telekomanduar në motorin e kondicionerit në farmacinë e të atit të Ministrit të Brendshëm. Ai lëviz i qetë, pasi e di me përpikmëri se çdo të bëjë, ku do ta vendos minën dhe sa i duhet. Madje duket se e di edhe pozicionin e kameras, por nuk shqetësohet fare.

Vjen me biçikletë dhe aq sa bën të rregullojë biçikletën, aq sa duket se nuk do të thyejë rregullat e qarkullimit, menaxhon rrugën nëse ka njerëz në lëvizje. Pas vendosjes së minës, qetësisht merr biçikletën dhe largohet.