Në Britaninë e Madhe prej disa ditësh është duke u përhapur, kryesisht në mediat sociale, një teori konspirative ecila ka të bëjë me Wilfred, djalin çiftit Boris Johnson dhe Carrie Symonds. Si të gjitha teoritë e këtij lloji bëjnë për të qeshur, ndryshe nuk do të quheshin të tilla...
Për çfarë bëhet fjalë?
Të shtunën e kaluar 'DoWning Street' publikoi një foto të Boris me partneren e tij, e cila mban në krah djalin e tyre të vogël. Por shumë kanë vërejtur që Wilfred i vogël, i cili lindi zyrtarisht më 29 prill, duket shumë i madh për moshën e tij. Ai duket më tepër si një djalë një vjeçar dhe gjithashtu ka më shumë flokë se babai i tij, një tjetër gjë e pazakontë në muajt e parë të jetës së fëmijëve. Pikërisht nga këto fakte nisë dhe spekulimet...
Një foto e orkestruar në mënyrë artistike, tha dikush, në të cilin është përdorur një fëmijë "surrogat", sepse në realitet djali i Johnson nuk ekziston.
Dikush tjetër shprehu një tezë më të moderuar. Sipas tij djali ka lindur më herët se 29 prilli dhe është mbajtur e fshehtë, sepse Boris nuk ishte ndarë ende nga gruaja e tij e mëparshme.
Në fakt lindja e Wilfred ishte shoqëruar me disa paqartësi...Fillimisht lindja e fëmijës ishtë paralajmëruar për "në fillim të verës", por pastaj, si për çudi, ai lindi shumë më herët, në prill. Mund të ishte edhe një lindje e parakohshme, e cila është mjaft e zakonshme, por në këtë rast (lindje e parakohshme) fëmijët janë shumë të vegjël, ndërsa në foto Wilfred duket me të vërtetë si një gjigant.
Qëkurse në kohën kur u publikua fotografia e parë, menjëherë pas lindjes, dikush kishte vërejtur se foshnja nuk dukej si një foshnjë e porsalindur dhe kishte shumë flokë. Por tani fotografia e re ka nxjerrë në dritë "komplotin". Shumë kanë filluar edhe të analizojnë fotografinë për të gjetur mospërputhje. Gjithçka në foto duket se është arritur pas një përpunimi në Photoshop dhe jo një imazh autentik. Sidoqoftë, ka një pyetje të madhe mbi të gjitha pyetjet... pse duhet të orkestrojë Kryeministri i Britanisë së Madhe një gjë të tillë? Këtë akoma nuk e ka shpjeguar asnjë tjetër teori konspirative.
Lajme të tjera
-
Magnet me vaksinën apo COVID prej 5G?/ Pesë teoritë e reja konspirative, të cilat shkenca provoi se ishin të gabuara
3 Janar 2022, 09:38 -
Rregulli i parë për të luftuar teoritë konspirative: Mos i quani më të tilla
19 Dhjetor 2021, 22:39 -
Boris Johnson martohet në një ceremoni sekrete me të fejuarën e tij Carrie Symonds
30 Maj 2021, 09:50 -
Virologu gjerman rrëzon teoritë konspirative: Covid, të paktën 4 herë më i rrezikshëm se gripi sezonal
21 Shtator 2020, 16:03 -
Covid-Bill Gates flet për teorinë e konspiracionit për mikroçipet
8 Qershor 2020, 10:10 -
Publikohet fotoja e parë e djalit të Boris Johnson, i vë emrin e mjekëve që i shpëtuan jetën
2 Maj 2020, 21:58 -
Fëmija i parë me Symonds! Boris Johnson bëhet me djalë! Çifti kryeministror më parë ishin të infektuar nga Covid (FOTO)
29 Prill 2020, 11:52 -
'Mjekëve nuk mund t'ua shpërblej kurrë mjaftueshëm', e fejuara shtatzënë e Johnson: Kalova momente të errëta
12 Prill 2020, 20:26
