'Mjekëve nuk mund t'ua shpërblej kurrë mjaftueshëm', e fejuara shtatzënë e Johnson: Kalova momente të errëta

E fejuara shtatzënë e kryeministrit anglez Boris Johnson, Carrie Symonds, nëpërmjet një postimi ka falënderuar pa masë shërbimin shëndetësor të Anglisë, pasi partneri i saj doli sot nga Spitali i “St Thomas” në Londër.

Për tre net Boris Johnson qëndroi në terapi intensive, duke frikësuar Stmonds dhe jo vetëm. Diçka për të cilën e fejuara e kryeministrit britanik thotë se ka kaluar momentet më të errëta të jetës së saj.

“Kishte momente javën e kaluar që ishin vërtet shumë të errëta. Zemra ime është me të gjithë ata që janë në situata të ngjashme, të shqetësuar e të sëmurë për të dashurit e tyre. Unë nuk mund të falënderoj mjaftueshëm NHS tonë të mrekullueshme. Stafi në Spitalin ‘St Thomas’ ka qenë i jashtëzakonshëm. Unë kurrë nuk do të jem në gjendje t’ua shpërblej dhe kurrë nuk do të ndalem së falënderuari”.

LEXO EDHE:
BBC anulon intervistën me Boris Johnson pas një gabimi 'të turpshëm'

Vetë Symonds njoftoi se ajo ka koronavirus, pasi Johnson hyri në izolim. Të shtunën e kaluar, ajo tha se e kaloi javën në shtrat me simptomat kryesore të koronavirus, por që nga atëherë është e shëruar.

“Të qenurit shtatzënë me Covid-19 është padyshim shqetësuese. Për gratë e tjera shtatzëna, ju lutemi lexoni dhe ndiqni udhëzimet më të përditësuara, të cilat unë mendoj se ishin siguruese”. 

TAG:
• Boris Johnson
• Carrie Symonds

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1509

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq