POP 5

Lajmet më të lexuara të 5 minutave të fundit

Politikë

Borrell viziton Ballkanin Perëndimor më 13-16 mars, takim me Ramën dhe Xhaçkën

Përfaqësuesi i Lartë i BE-së për Punët e Jashtme Josep Borrell, do të udhëtojë në Maqedoninë e Veriut, Shqipëri dhe Bosnjë dhe Hercegovinë në datat 13-16 mars. Vizita do të riafirmojë angazhimin dhe mbështetjen e BE-së për rajonin, duke pasur parasysh edhe luftën ruse kundër Ukrainës dhe ndikimin e saj në sigurinë e Evropës në tërësi.

Borrell viziton Ballkanin Perëndimor më 13-16 mars, takim me Ramën dhe Xhaçkën

Përfaqësuesi i Lartë i BE-së për Punët e Jashtme Josep Borrell, do të vizitojë Ballkanin Perëndimor në datat 13-16 mars. Borrell do të ndalet në Maqedoninë e Veriut, Shqipëri dhe Bosnjë-Hercegovinë. Vizita e Borrell vjen në një kohë kur Rusia ka pushtuar Ukrainën dhe lufta ka sjellë impaktet edhe në Europë. Borrell do të riafirmojë angazhimin dhe mbështetjen e BE-së për rajonin.

Fillimisht Borrell do të ndalet në Shkup të Maqedonisë së Veriut ku do të takohet me presidentin Stevo Pendarovski, kryeministrin Dimitar Kovaçevski, zëvendëskryeministrin për çështje evropiane, Bojan Marichijk, ministrin e jashtëm Bujar Osmani, ministren e Mbrojtjes Slavjanka Petrovska, kryetarin e Kuvendit Talat Xhaferi, si edhe kryetarët e grupeve parlamentare. Në orën 12:00 ai do të mbajë një konferencë për shtyp me kryeministrin Dimitar Kovaçevski.

Më 15 mars përfaqësuesi i Lartë i BE-së do të vizitojë Tiranën, ku do të takohet me kryeministrin Edi Rama. Takimi i tyre do të pasohet nga një konferencë shtypi në orën 11:00 . Përfaqësuesi i Lartë Borrell do të takohet me përfaqësues të tjerë të autoriteteve shqiptare dhe përfaqësues të shoqërisë civile dhe do të vizitojë punimet e vazhdueshme restauruese në mozaikun e Muzeut Historik Kombëtar, i rinovuar nën ndihmën e BE-së për rimëkëmbjen pas tërmetit.

Në fund, më 16 mars Borrell do të jetë në Sarajevë, Bosnje-Hercegovinë, ku së pari do të bëjë një vizitë në Operacionin EUFOR Althea, kapaciteti i trupave të të cilit në terren është pothuajse dyfishuar kohët e fundit. Përfaqësuesi i Lartë Borrell do të takohet më pas me autoritetet e BiH, përfaqësues të opozitës politike dhe shoqërinë civile.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Afera 'Partizani' kërkoi revokim të masës, Apeli i GJKKO rrëzon kërkesën e Jamarbër Malltezit, lihet në arrest shtëpie

Afera 'Partizani' kërkoi revokim të masës, Apeli i GJKKO rrëzon kërkesën e Jamarbër Malltezit, lihet në arrest shtëpie

24 Janar, 10:50